«Forvardtyq satyp alý» jáne «ainalym qaryzy» tetigin iske asyrý aiasynda 1 myń tonna kúrish, 1,8 myń tonna taýyq eti, 170 tonna sút, 86,4 mln.dana jumyrtqa jáne 4,5 myń tonna qant, 800 tonna tuz otandyq óndirýshilermen belgilengen baǵamen ónim jetkizý jónindegi kelisimshartqa qol qoiyldy, dep habarlaidy Dalanews.kz
Kókónis baǵasyn turaqtandyrý úshin (kartop, sábiz, piiaz, qyryqqabat) maýsymaralyq kezeńde Pavlodar, Almaty, Jambyl jáne Túrkistan oblysynyń sharýalarymen 9 700 tonna ónimdi tómendetilgen baǵamen jetkizý týraly «forvardtyq» kelisim jasaldy. Túrkistan, Jambyl jáne Almaty oblystarynan erte pisetin kókónisterdi jetkizý máselesi qosymsha qarastyrylyp jatyr.
Elimizdiń eń iri saýda jelisimen ÁMAT-tyń 11 túri boiynsha baǵalardy belgileý jóninde kelisim jasaldy.
Búginde «ainalym qaryzy» jáne «forvardtyq» kelisim aiasynda qosymsha kelisimsharttar jasaý máselesi qarastyrylyp jatyr. Atap aitqanda, jumyrtqa, taýyq eti, kúrish, kókónister.
ÁMAT baǵasyn baqylaý jáne ónim baǵasyna qajetsiz deldaldardyń áserin boldyrmaý maqsatynda Óńirlik komissiia músheleri azyq-túlik bazarlary men kókónis pavilondaryna turaqty monitoring júrgizip keledi. 15%-dyq saýda ústemesin saqtaý jáne deldaldyq tizbekti qysqartý jóninde saýda núktelerimen túsindirý jumystary júrgizilýde. Jyl basynan beri 5 otyrys ótkizilip, 119 ereje buzý faktisi anyqtaldy. 113 ákimshilik hattama toltyrylyp, 6 aiyppul salyndy. 17 tiimsiz deldal naryqtan shyǵaryldy.
Almaty qalasy Kásipkerlik jáne investitsiialar basqarmasy azyq-túlik qaýipsizdigin qamtamasyz etý jáne ÁMAT baǵasyn baqylaý boiynsha jumysty turaqty negizde júrgizip keledi.
