Almaty qalalyq advokattar alqasynyń advokaty sottaldy, dep habarlaıdy Dalanews.kz.
Almaty qalasy Medeý aýdandyq sotymen Almaty qalalyq advokattar alqasynyń advokaty R. Naınbaev jáne qala turǵyndary D. Tuıashev, G. Sákenova sottaldy.
Olar burynǵy balabaqsha ǵımaratyn turǵyn úı-jaılarǵa zańdastyrý syltaýymen memlekettik organdardyń laýazymdy adamdaryna 30 mln teńgeden astam para berýge qala turǵyndaryn alaıaqtyq jasaǵany jáne arandatqany úshin kináli dep tanyldy.
Sot úkimimen Sákenovaǵa 7 jyl, Tuıashevqa – 4 jyl jáne Naınbaevqa - 1 jyl bas bostandyǵynan aıyrý jazasy taǵaıyndaldy.
Budan basqa, sottalǵandar memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıy aıyrylady.
Sot aktisi zańdy kúshine engen joq.
Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
