الماتى قالالىق ادۆوكاتتار القاسىنىڭ ادۆوكاتى سوتتالدى، دەپ حابارلايدى Dalanews.kz.
الماتى قالاسى مەدەۋ اۋداندىق سوتىمەن الماتى قالالىق ادۆوكاتتار القاسىنىڭ ادۆوكاتى ر. ناينبايەۆ جانە قالا تۇرعىندارى د. تۇياشيەۆ، گ. ساكەنوۆا سوتتالدى.
ولار بۇرىنعى بالاباقشا عيماراتىن تۇرعىن ءۇي-جايلارعا زاڭداستىرۋ سىلتاۋىمەن مەملەكەتتىك ورگانداردىڭ لاۋازىمدى ادامدارىنا 30 ملن تەڭگەدەن استام پارا بەرۋگە قالا تۇرعىندارىن الاياقتىق جاساعانى جانە ارانداتقانى ءۇشىن كىنالى دەپ تانىلدى.
سوت ۇكىمىمەن ساكەنوۆاعا 7 جىل، تۇياشيەۆقا – 4 جىل جانە ناينبايەۆقا - 1 جىل باس بوستاندىعىنان ايىرۋ جازاسى تاعايىندالدى.
بۇدان باسقا، سوتتالعاندار مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويى ايىرىلادى.
سوت اكتىسى زاڭدى كۇشىنە ەنگەن جوق.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
