Almatyda 23 aqpanda Olga Ábdiǵapparovaǵa qatysty sot úkimi jariialandy, dep habarlaidy Dala News.
Almaty qalalyq sotynyń baspasóz qyzmetiniń málimetinshe, qylmystyq is Medeý aýdandyq №2 sotynda qaralǵan. Sot sheshimimen Olga Ábdiǵapparova QR Qylmystyq kodeksiniń 195-baby boiynsha – aldaý nemese senimdi teris paidalaný arqyly múliktik zalal keltirý deregimen kináli dep tanylyp, 2,5 jylǵa bas bostandyǵyn shekteý jazasyna kesildi. Úkim ázirge zańdy kúshine engen joq.
Eske sala keteiik, Olga Ábdiǵapparovanyń ustalǵany týraly Almaty qalalyq politsiiasy 2025 jyldyń aqpanynda habarlaǵan. Tergeýge 2016–2018 jyldary jasalǵan sharttardyń oryndalýyn talap etken turǵyn úi keshenindegi úleskerlerdiń ujymdyq aryzy sebep bolǵan.
Al onyń jubaiy, kásipker Almas Ábdiǵapparov 2022 jylǵy 5 shildede 1 mln dollar urlaý isi boiynsha kináli dep tanylyp, 7 jylǵa bas bostandyǵynan aiyrylǵan. Ol 2021 jyldyń shildesinde qamaýǵa alynǵan bolatyn. Qylmystyq is «AV Construction» JShS direktorynyń aryzy negizinde qozǵalyp, elitalyq villa saýdasyna qatysty bolǵan. 2023 jyldyń 11 sáýirinde Joǵarǵy sot úkimdi ózgerissiz qaldyrdy. 2026 jyldyń qańtarynda onyń qonys koloniiasyna aýystyrylǵany belgili boldy.
