Qarjylyq monıtorıń agenttiginiń Almaty qalasy boıynsha departamenti «Matic Basket» qarjy pıramıdasynyń qyzmetin toqtatty,- dep habarlaıdy Dalanews.kz
Uıymdastyrýshylar ózderin «YouTube», «WhatsApp» jáne «Telegram» áleýmettik jelileri arqyly jarnamalap, azamattardy «Matic Basket» jobasyna aqsha salýǵa shaqyrǵan. Olar krıptovalúta bırjasynda maınıng pen treıdıng arqyly joǵary paıda ýáde etken.
Salymshylardyń salǵan aqshalary 5 000 teńgeden 1 100 AQSH dollaryna deıin jetken. Alaıda salymshylarǵa aqsha salǵanyn rastaıtyn eshqandaı qujat berilmegen, ári olarmen kelisimshart nemese resmı kelisimder jasalmaǵan. Jańa qatysýshyny tartqan jaǵdaıda árbir qarjylyq operasıadan 10% kóleminde kiris túsetini aıtylǵan.
"Nátıjesinde qarjy pıramıdasyna Qazaqstan men TMD elderiniń 1900-den astam azamaty tartylyp, jalpy somasy 80 mln teńgeden astam qarajat salynǵan. Kúdiktige qatysty bultartpaý sharasy retinde elden shyǵýǵa tyıym salyndy. Tergeý amaldary jalǵasýda. QR Qylmystyq-prosestik kodeksiniń 201-babyna sáıkes ózge aqparat jarıalaýǵa jatpaıdy", - delingen habarlamada.
