Almatyda 30 sáýir kúni saǵat 11:00–de sirena dybystary iske qosylady,– dep habarlaidy Dalanews.kz
TJD málimetinshe, jalpy qalalyq josparly seismikalyq jattyǵý ótkiziledi.
"Dybystyq signaldy estigen kezde dereý teledidar men radioqabyldaǵyshty qosyp, internet-resýrstar men mobildi qosymshalar arqyly resmi aqparat alyp, odan ári áreket etý boiynsha nusqaýlarmen tanysý qajet.
Seismikalyq jattyǵý bastalǵanǵa deiin dabyl shabadanyn daiyndańyz, qaýipsiz jerge aparatyn eń qysqa joldy anyqtańyz. Esterińizge sala keteiik, qaýipsiz oryn – bul elektr jelilerinen, aǵashtardan jáne ǵimarattardan alys ornalasqan ashyq alań", - delingen habarlamada.
Almaty qalasynda halyqty qabyldaityn 384 pýnkt bar.
Halyqty qabyldaý pýnktteri týraly tolyq aqparat 2GIS kartasynda «zardap shekken halyqty qabyldaý pýnktteri» dep izdeý arqyly jáne Almatynyń Tótenshe jaǵdailar departamenti men ákimdiktiń resmi saitynan tabýǵa bolady.
Ári qarai qoljetimdi habarlaý quraldary (daǵdarys shabadanyndaǵy radioqabyldaǵysh, mobildi qosymshalar, sirenalyq-daýys qurylǵylary jáne t.b.) arqyly kelesi is-áreketter boiynsha nusqaýlyqtardy qatań saqtańyz.
Almaty qalasynyń TJD ótkizilip jatqan qalalyq seismikalyq jattyǵý josparly túrde júrgiziletinin eske saldy. Azamattardy sabyr saqtaýǵa jáne belsendi qatysýǵa shaqyramyz.
