27 mamyrdyń saǵat 21:00 bastap 28 mamyrdyń saǵat 07:00 deiin Almaty qalasy Bostandyq aýdanynda Markov kóshesiniń boiymen Buqar Jyraý jelekjolynan bastap Pojarskii kóshesine deiin eki baǵytta avtokólikter qozǵalysy shekteledi, – dep habarlaidy Dalanews.kz
Ýaqytsha shekteýler kórsetilgen kóshe segmentiniń júrgin bóliginiń astymen tóselgen magistraldyq qubyrjol ýchaskesin jańǵyrtý boiynsha josparlanǵan jumystardyń qaýipsizdigin qamtamasyz etý úshin engiziledi.
Eske salsaq, Bostandyq aýdanynda Gabdýllin – Hamit Erǵaliev, Jaǵalaý mańy – Buqar Jyraý – Baitursynov kósheleriniń kontýrynda ornalasqan, jalpy uzaqtyǵy 2,7 kilometrdi quraityn, 1983 jyly paidalanýǵa berilgen qubyrjoldy jańǵyrtý josparlanyp otyr. Jańǵyrtý jumystaryn júrgizý merziminiń ishinde tutynýshylarǵa ystyq sý berý úzilmeidi.
Atalǵan jylý trassasy 128 kóppáterli turǵy úidiń, 25 jeke úidiń turǵyndary, 2 balabaqsha, 1 mektep, 1 meditsina mekemesi jáne 65 basqa da obektiler úshin jylý energiiasyn berýdi jáne ystyq sýmen jabdyqtaýdy qamtamasyz etedi.
Jalpy alǵanda, aǵymdaǵy jyly qala boiynsha 39 km jylý trassasyn jańǵyrtý josparlanǵan. Bul tozý deńgeiin 54% deiin azaitýǵa múmkindik beredi.
Eske salaiyq, qozǵalystardy shekteýge qatysty barlyq aqparat Almaty.kz saitynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondai-aq «2GIS» jáne «Iandeks kartalar» servisterinde ornalastyrylǵan.
