S&P Global Ratings agenttigi Freedom Holding Corp. (FRHC) quramyna kiretin kompaniialardyń uzaq merzimdi reitingterin «V+» deńgeiinen «VV-» deńgeiine deiin kóterdi, sondai-aq qysqa merzimdi reitingterin «V» deńgeiinde rastady. «Fridom Finans» AQ, Freedom Finance Global, Freedom Finance Europe, «Fridom Bank Qazaqstan» AQ. Boljam – «Turaqty», dep habarlaidy dalanews.kz.
Sonymen qatar «Fridom Finans» AQ men «Fridom Bank Qazaqstan» AQ-nyń qazaqstandyq ulttyq shkala boiynsha reitingteri «kzBBB+» deńgeiinen «kzA-» deńgeiine deiin kóterildi.
FRHC-tiń uzaq merzimdi nesielik reitingi «B-» deńgeiinde rastaldy.
Reitingterdiń kóterilýi Freedom tobynyń táýekelderdi jalpy basqarý men komplaensti jolǵa qoiýdaǵy úsh jyldyq tájiribesin jáne onyń qarjylyq enshiles kompaniialary deńgeiinde osy fýnktsiialardyń nyǵaiýyn kórsetedi. Bul júie FRHC-ke top deńgeiinde táýekelderdi, sonyń ishinde jahandyq aýqymda mańyzy artyp kele jatqan sanktsiialardy saqtaý, kiberqaýipsizdik, repýtatsiialyq, retteýshilik jáne kriptovaliýtalyq táýekelder siiaqty salalardy muqiiat qadaǵalaýǵa jáne baqylaýǵa múmkindik beredi.
Enshiles kompaniialar óz saiasattaryn únemi jetildirilip otyratyn táýekelderdi basqarý men komplaenstiń qabyldanǵan toptyq saiasattaryna sáikes keltirýde. Holding jyl saiyn táýekelderdi jahandyq baǵalaýdan ótkizedi, jylyna eki ret stress-testileý júrgizedi jáne olardy azaitý boiynsha josparlar ázirleidi. Tehnologiiaǵa baǵdarlanǵan kompaniia retinde top aqparattyq júieler men aqparattyq qaýipsizdik salasyndaǵy táýekelderge úlken kóńil bóledi. Táýekelderdi basqarý jáne komplaens júiesi qarjylyq kompaniialarda da, qarjylyq emes kompaniialarda da jumys isteidi jáne jańadan qurylǵan ári satyp alynǵan enshiles uiymdarǵa ýaqytyly engizilip otyrady. Toptyń táýekelderdi baǵalaýǵa jáne qaǵidattarǵa negizdelgen jalpy komplaens júiesi oǵan ózi jumys isteitin 22 elde sanktsiialar talaptarynyń saqtalýyna jáne aqshany jylystatýǵa qarsy is-qimylǵa bailanysty táýekelderdi baqylaýǵa, sondai-aq 40-tan astam retteýshi organmen ózara is-qimyl jasaýǵa múmkindik beredi.
«Biz top telekommýnikatsiialyq jáne laifstail-bizneske investitsiia salýdy jalǵastyrǵanyna qaramastan, taiaý 1-2 jylda kapitaldandyrýdyń joǵary kórsetkishterin saqtaidy dep kútemiz. Bizdiń bazalyq stsenariiimizde toptyń táýekelderdi esepke ala otyryp túzetilgen kapital koeffitsienti (risk-adjusted capital - RAC) balans ósiminiń shamamen 20-25%-ǵa deiin josparly baiaýlaýy, enshiles qarjy kompaniialarynyń joǵary paidasy jáne aktsionerlik kapitaldyń josparly quiylýy arqasynda osy kezeń ishinde 10%-dan joǵary deńgeide qalady degen oidamyz. Biz Freedom tobynyń paida kórsetkishterin áli de joǵary dep sanaimyz: úsh jyldaǵy (2024 jylǵy naýryz – 2026 jylǵy naýryz) negizgi qyzmetten túsken ortasha paidanyń táýekel deńgeii eskerilgen aktivterge araqatynasy shamamen 2,2%-dy quraidy, bul halyqaralyq kontekste áli de joǵary kórsetkish bolyp otyr» - dep qorytyndylaidy S&P Global Ratings.
Agenttiktiń pikirinshe, Freedom toby Qazaqstandaǵy jetekshi tsifrlyq finteh-ekojúielerdiń birine ainaldy. Freedom Holding Corp. quramyna kiretin kompaniialar klientteriniń jalpy sany 8,1 millionǵa deiin ósti. Ekojúieniń perimetrindegi seriktes kompaniialardyń paidalanýshylaryn esepke alǵandaǵy klientterdiń jalpy sany 14 millionnan asady.
