Astana politsiiasy Ulttyq ulannyń burynǵy áskeri qyzmetkeri Erbaian Muhtardyń máiitin sot-meditsinalyq saraptama ortalyǵyna jetkizý kezinde bolǵan janjalǵa qatysty túsinikteme berdi, dep habarlaidy dalanews.kz.
Politsiia departamentiniń málimetinshe, qyzmetkerler marqumnyń máiitin ólimniń naqty sebebin anyqtaý úshin Sot-meditsinalyq saraptama ortalyǵyna jetkizýge barǵan. Vedomstvo bul rásim qoldanystaǵy zańnamada kózdelgenin atap ótti.
«Atalǵan beinejazbaǵa qatysty politsiia qyzmetkerleri qaitys bolǵan adamnyń máiitin Sot-meditsinalyq saraptama ortalyǵyna jetkizýdi uiymdastyrý úshin barǵanyn habarlaimyz. Bul rásim ólimniń naqty sebebin anyqtaý jáne quqyqtyq sharalardy qamtamasyz etý maqsatynda zańnamaǵa sáikes júrgiziledi. Qyzmettik mindetterin oryndaý barysynda politsiia qyzmetkerlerine kedergi keltirilip, olarǵa fizikalyq qarsylyq kórsetildi. Sonymen qatar atalǵan fakti boiynsha qyzmettik tekserý bastaldy. Onyń qorytyndysy boiynsha oqiǵaǵa qatysqan barlyq tulǵalardyń, onyń ishinde politsiia qyzmetkerleriniń de áreketine quqyqtyq baǵa beriledi», – dep málimdedi Astana qalasynyń politsiia departamenti.
Eske salaiyq, Erbaian Muhtar áskeri qyzmet kezinde alǵan aýyr bas-mi jaraqatynan keiin úsh jylǵa jýyq ýaqyt aýyr halde jatqan bolatyn. Keiin onyń qaitys bolǵany belgili boldy.
Densaýlyq saqtaý ministrliginiń málimetinshe, Erbaian Muhtardyń ólimine aýyr jaraqattan keiin damyǵan kóp aǵzalyq jetkiliksizdik sindromy sebep bolǵan.
