Erbaian Muhtardyń ólimine bailanysty qylmystyq is qozǵaldy, dep habarlaidy dalanews.kz.
Qorǵanys ministrligi merzimdi áskeri qyzmet kezinde jaraqat alyp, keiin úsh jylǵa jýyq aýyr hálde jatyp kóz jumǵan Erbaian Muhtardyń qazasyna bailanysty málimdeme jasady.
Qorǵanys ministriniń orynbasary Qanysh Ábýbákirovtiń aitýynsha, bul derek boiynsha qylmystyq is qozǵalǵan. Qazir isti Ishki ister organdary men áskeri prokýratýra tergep jatyr.
Vitse-ministrdiń sózinshe, tergeý barysynda oqiǵaǵa kináli tulǵalar anyqtalyp, Ulttyq ulan basshylyǵynyń áreketine de tiisti quqyqtyq baǵa beriledi. Sondai-aq, jaýapty adamdarǵa qatysty tártiptik sharalar qabyldanady.
Aita keteiik, Erbaian Muhtardy aqtyq saparǵa shyǵaryp salý rásimi erteń Astana qalasynda ótedi.
