Almaty qalasy Qoǵamdyq densaýlyq basqarmasynyń málimetinshe, qalada Pfizer preparatymen 2 736 adam vaksınalanǵan: 1 644 jasóspirim, 251 júkti áıel jáne 841 bala emizetin ana.
Ravıl Egemberdıeva atap ótkendeı, almatylyqtardyń osy sanattaryn vaksınasıalaý sheshimi AQSH, Germanıa, Ulybrıtanıa, Izraıl, Belgıa, Úndistan jáne BAÁ tájirıbesine negizdelgen.
Ol Pfizer shyǵarǵan «Komırnatı» vaksınasy DDU maquldaǵan tizimge engizilgenin eske saldy. Sondaı-aq, osy uıymnyń aralyq málimetteri boıynsha 12-15 jas aralyǵyndaǵy jasóspirimderdiń qatysýymen klınıkalyq zertteýlerdiń úshinshi kezeńi preparattyń joǵary tıimdiligi men aıtarlyqtaı joǵary qaýipsizdigin kórsetti.
Profesor «Komırnatı» Pfizer vaksınasy júkti áıelderge de usynylǵanyn eske saldy.
– Olar kovıd ınfeksıasynyń aýyr jaǵdaıy úshin qaýip tobyna kiredi. Sondyqtan densaýlyqty jáne ómirge áli kelmegen náresteni COVID-19-dan qorǵaýdyń eń tıimdi ádisi-vaksınasıa. Eger áıel júktilikke deıin ekpe salyp úlgermegen bolsa, ony 16-37 apta aralyǵynda vaksınalaný usynylady, – dep habarlady Ravıl Egemberdıeva. Qazirgi kezde júkti áıelder men balalardyń ata-analary ózderiniń jáne balasynyń ómiri úshin jaýapty. Koronavırýs vaksınasıadan keıingi qysqa merzimdi janama áserlerge qaraǵanda áldeqaıda qaýipti ınfeksıonıst maman alǵa tartty.
Ol COVID-19-ǵa qarsy vaksınanyń áıelder men erlerdiń reprodýktıvti densaýlyǵyna keri áserin naqtylaıtyn dálelderdiń joq ekenin atap ótti.
