الماتى قالاسى قوعامدىق دەنساۋلىق باسقارماسىنىڭ مەلٸمەتٸنشە, قالادا Pfizer پرەپاراتىمەن 2 736 ادام ۆاكتسينالانعان: 1 644 جاسٶسپٸرٸم, 251 جٷكتٸ ەيەل جەنە 841 بالا ەمٸزەتٸن انا.
راۆيل ەگەمبەرديەۆا اتاپ ٶتكەندەي, الماتىلىقتاردىڭ وسى ساناتتارىن ۆاكتسيناتسييالاۋ شەشٸمٸ اقش, گەرمانييا, ۇلىبريتانييا, يزرايل, بەلگييا, ٷندٸستان جەنە باە تەجٸريبەسٸنە نەگٸزدەلگەن.
ول Pfizer شىعارعان «كوميرناتي» ۆاكتسيناسى ددۇ ماقۇلداعان تٸزٸمگە ەنگٸزٸلگەنٸن ەسكە سالدى. سونداي-اق, وسى ۇيىمنىڭ ارالىق مەلٸمەتتەرٸ بويىنشا 12-15 جاس ارالىعىنداعى جاسٶسپٸرٸمدەردٸڭ قاتىسۋىمەن كلينيكالىق زەرتتەۋلەردٸڭ ٷشٸنشٸ كەزەڭٸ پرەپاراتتىڭ جوعارى تيٸمدٸلٸگٸ مەن ايتارلىقتاي جوعارى قاۋٸپسٸزدٸگٸن كٶرسەتتٸ.
پروفەسسور «كوميرناتي» Pfizer ۆاكتسيناسى جٷكتٸ ەيەلدەرگە دە ۇسىنىلعانىن ەسكە سالدى.
– ولار كوۆيد ينفەكتسيياسىنىڭ اۋىر جاعدايى ٷشٸن قاۋٸپ توبىنا كٸرەدٸ. سوندىقتان دەنساۋلىقتى جەنە ٶمٸرگە ەلٸ كەلمەگەن نەرەستەنٸ COVID-19-دان قورعاۋدىڭ ەڭ تيٸمدٸ ەدٸسٸ-ۆاكتسيناتسييا. ەگەر ەيەل جٷكتٸلٸككە دەيٸن ەكپە سالىپ ٷلگەرمەگەن بولسا, ونى 16-37 اپتا ارالىعىندا ۆاكتسينالانۋ ۇسىنىلادى, – دەپ حابارلادى راۆيل ەگەمبەرديەۆا. قازٸرگٸ كەزدە جٷكتٸ ەيەلدەر مەن بالالاردىڭ اتا-انالارى ٶزدەرٸنٸڭ جەنە بالاسىنىڭ ٶمٸرٸ ٷشٸن جاۋاپتى. كوروناۆيرۋس ۆاكتسيناتسييادان كەيٸنگٸ قىسقا مەرزٸمدٸ جاناما ەسەرلەرگە قاراعاندا ەلدەقايدا قاۋٸپتٸ ينفەكتسيونيست مامان العا تارتتى.
ول COVID-19-عا قارسى ۆاكتسينانىڭ ەيەلدەر مەن ەرلەردٸڭ رەپرودۋكتيۆتٸ دەنساۋلىعىنا كەرٸ ەسەرٸن ناقتىلايتىن دەلەلدەردٸڭ جوق ەكەنٸن اتاپ ٶتتٸ.
