Almatyda «Taza Qazaqstan» atty qalany kórkeitý boiynsha aýqymdy bastama jalǵasyp jatyr. Biylǵy jumys «qasbetten qasbetke deiin» qaǵidaty boiynsha júrgizilip, tek tazalaý emes, búkil qalalyq ortany jańartýdy qamtidy,- dep habarlaidy Dalanews.kz
Kóriktendirý jumysyna 1000 arnaiy tehnika jáne shamamen 1500 jumysshy tartylǵan. Olar qaladan 2400 tekshe metrden astam qoqys shyǵarǵan. 28 sáýirde «Taza Qazaqstan» aktsiiasynyń úshinshi kezeńi bastaldy. Trotýarlardy tolyq tazalaý, aǵashtardy sanitarlyq maqsatta kesý, kóshe shamdaryn qalpyna keltirý jáne kógaldandyrý josparlanǵan.
Naýqannyń maqsaty – megapolistiń barlyq segiz aýdanyndaǵy jalpy uzyndyǵy shamamen 355 km bolatyn 142 kósheni jańartý. Keshendi tazalaý aiasynda trotýarlardy qalpyna keltirý, shuńqyrly jóndeý, aǵashtardy sanitarlyq maqsatta kesý, kóshe shamdaryn jóndeý jáne kógaldandyrý kózdelgen.
Almaty ákiminiń orynbasary Beibit Shahanov biylǵy baǵdarlamaǵa birqatar ózgeris engizilgenin atap ótti – endi aktsiiaǵa ǵimarat ielerin tartý kózdelgen. Ol qalany tazalaýdy ǵana emes, sonymen qatar kóshelerdiń syrtqy kelbetin jaqsartýdy da qamtidy.
«Barlyq úi ieleri men biznesmender kóriktendirý tólqujatyn alǵannan keiin aýmaǵyna jaýapty bolady. Olar aimaǵynyń kelbetin – baǵanalardy, mańdaishalardy, kireberis satyny retke keltirýge tiis. Aktsiia aiasynda 158 kóriktendirý tólqujaty berilip, 43 ákimshilik aiyppul salyndy. Ár kóshe bólimine ártúrli qurylym jaýapty – mysaly, baǵanalarǵa aýdan ákimdigi, jol men baǵdarshamdarǵa – qalalyq mobildilik basqarmasy jaýapty. Osy jumystyń nátijesinde qalamyz taza ári kórikti bola túsedi», – dedi Beibit Shahanov.
Qalalyq infraqurylymdy jaqsartýdaǵy mańyzdy qadamnyń biri – kólemi ulǵaitylǵan 12 myńnan astam qoqys jáshigin ornatý boldy. Sonymen qatar, kógaldardaǵy topyraqty óńdeý jumystary júrgizilýde: jerdiń tyǵyzdalǵan joǵarǵy qabaty alynyp, aýa men ylǵaldyń tamyrlarǵa jetýi jaqsartylýda. Mundai jumys kógaldy aimaqtardyń qys mezgilinen keiin tezirek qalpyna kelýine kómektesedi.
«Taza Qazaqstan» aktsiiasynyń ótý barysy týraly qala turǵyndary men kommýnaldyq qyzmet ókilderi de pikir bildirdi.
«Men bul jerde uzaq jyldan beri turamyn, jyl ótken saiyn aýdannyń tazaryp, jaily bola bastaǵanyn baiqaimyn. Qysta kósheler únemi qardan tazartylyp, taiǵaq bolmas úshin qum sebildi. Qazir kóktemde qoqys jinalyp, syrlaý, aǵashtardy kesý, ǵimarattardyń qasbetin jýý jumystary júrip jatyr. Jumystyń keshendi túrde júrgizilip jatqany kórinip tur. Degenmen, tazalyq kommýnaldyq qyzmetkk ǵana emes, ózimizge de bailanysty», – deidi Medeý aýdanynyń turǵyny Asyljan Ábdýmýtaliev.
Óz kezeginde kommýnaldyq qyzmetkerler úshin turǵyndardyń qoldaýy mańyzdy.
«Aýdan taza ári kútimdi bolýy úshin tańnan keshke deiin aiaǵymyzdan tik turyp, sypyramyz, qoqys jinaimyz, aryqtardy tazalaimyz. Adamdardyń alǵysy men jyly sózi jumysymyzdyń mańyzyn sezindiredi. Qarapaiym qoqys tastamaý – bul da biz úshin úlken qoldaý men mamandyǵymyzǵa degen qurmettiń belgisi», – deidi «Almaty Tazalyq» qyzmetkeri Anargúl Beisenbek.
