Almatyda 12 600 oryndyq 8 mekteptiń qurylysy júrip jatyr
2025 jylǵa qarai elimizde myń bilim berý mekemesi salynýy tiis. Prezident Qazaqstan halqyna Joldaýynda osyndai mindet qoidy.
– Memleket basshysynyń «Halyq birligi jáne júieli reformalar – eldiń órkendeýiniń berik negizi» atty Qazaqstan halqyna Joldaýyn iske asyrý aiasynda Almaty Bilim basqarmasy josparly jumys júrgizýde. Karantindik shekteýlerge qaramastan, oqýshy oryndarynyń tapshylyǵyn azaitý jáne bilim berý mekemeleriniń jelisin odan ári keńeitý maqsatynda qazirgi ýaqytta 12 600 oryndyq 8 memlekettik mekteptiń qurylysy júrgizilýde, – dedi Q. Jumanov.
Alataý aýdanynda bes jańa mektep, Naýryzbai aýdanynda taǵy eki, Túrksib aýdanynda bir jańa mektep ashylady. Salynyp jatqan mektepterdiń úsheýi 2021 jyldyń sońynda paidalanýǵa beriledi (Tomiris, Saialy jáne Qalqaman-2 shaǵyn aýdandarynda).
Sonymen qatar, biyl mektepterdiń janynan 17 jańa korpýstardyń qurylysy bastaldy, olar: №38, 60, 166, 186, 6, 132, 117, 133, 144, 121, 199, 191, 57, 177, 102, 34, 170; 8 263 orynǵa arnalǵan.
«№38, 60, 166 mektepterge úsh jańa korpýstyń qurylysy jańa oqý jyly bastalǵanǵa deiin aiaqtaldy jáne mektepterge alty japsarlas qurylys salyndy №6, 121, 133, 144, 170, 199 4 150 oryn qyrkúiek aiynda aiaqtaldy. Qalǵan 8 mekteptiń - №34, 57, 102, 117, 132, 177, 186, №191 4 113 qosalqy qurylysy qarasha aiynyń sońyna deiin aiaqtalady», - dedi Q. Jumanov.
Osylaisha, jyl sońyna deiin 16 myńnan astam oqýshy orny iske qosylady.
Bilim basqarmasy basshysynyń orynbasary biyl almatylyq qurylysshylar №7, 40, 45, 54 jáne 81 mektep ǵimarattaryn qalpyna keltirý jáne seismikalyq nyǵaitý jumystaryn júrgizgenin habarlady.48 mektepti qaita qurý, №9, 43 mektepterge qosymsha qurylystar salý jáne №129, 145, 166 mektepterdi seismikalyq kúsheitý boiynsha jumystar bastaldy.
