2025 جىلعا قاراي ەلىمىزدە مىڭ ءبىلىم بەرۋ مەكەمەسى سالىنۋى ءتيىس. پرەزيدەنت قازاقستان حالقىنا جولداۋىندا وسىنداي مىندەت قويدى.
– مەملەكەت باسشىسىنىڭ «حالىق بىرلىگى جانە جۇيەلى رەفورمالار – ەلدىڭ وركەندەۋىنىڭ بەرىك نەگىزى» اتتى قازاقستان حالقىنا جولداۋىن ىسكە اسىرۋ اياسىندا الماتى ءبىلىم باسقارماسى جوسپارلى جۇمىس جۇرگىزۋدە. كارانتيندىك شەكتەۋلەرگە قاراماستان، وقۋشى ورىندارىنىڭ تاپشىلىعىن ازايتۋ جانە ءبىلىم بەرۋ مەكەمەلەرىنىڭ جەلىسىن ودان ءارى كەڭەيتۋ ماقساتىندا قازىرگى ۋاقىتتا 12 600 ورىندىق 8 مەملەكەتتىك مەكتەپتىڭ قۇرىلىسى جۇرگىزىلۋدە، – دەدى ق. جۇمانوۆ.
الاتاۋ اۋدانىندا بەس جاڭا مەكتەپ، ناۋرىزباي اۋدانىندا تاعى ەكى، تۇركسىب اۋدانىندا ءبىر جاڭا مەكتەپ اشىلادى. سالىنىپ جاتقان مەكتەپتەردىڭ ۇشەۋى 2021 جىلدىڭ سوڭىندا پايدالانۋعا بەرىلەدى (توميريس، سايالى جانە قالقامان-2 شاعىن اۋداندارىندا).
سونىمەن قاتار، بيىل مەكتەپتەردىڭ جانىنان 17 جاڭا كورپۋستاردىڭ قۇرىلىسى باستالدى، ولار: №38، 60، 166، 186، 6، 132، 117، 133، 144، 121، 199، 191، 57، 177، 102، 34، 170؛ 8 263 ورىنعا ارنالعان.
«№38، 60، 166 مەكتەپتەرگە ءۇش جاڭا كورپۋستىڭ قۇرىلىسى جاڭا وقۋ جىلى باستالعانعا دەيىن اياقتالدى جانە مەكتەپتەرگە التى جاپسارلاس قۇرىلىس سالىندى №6، 121، 133، 144، 170، 199 4 150 ورىن قىركۇيەك ايىندا اياقتالدى. قالعان 8 مەكتەپتىڭ - №34، 57، 102، 117، 132، 177، 186، №191 4 113 قوسالقى قۇرىلىسى قاراشا ايىنىڭ سوڭىنا دەيىن اياقتالادى»، - دەدى ق. جۇمانوۆ.
وسىلايشا، جىل سوڭىنا دەيىن 16 مىڭنان استام وقۋشى ورنى ىسكە قوسىلادى.
ءبىلىم باسقارماسى باسشىسىنىڭ ورىنباسارى بيىل الماتىلىق قۇرىلىسشىلار №7، 40، 45، 54 جانە 81 مەكتەپ عيماراتتارىن قالپىنا كەلتىرۋ جانە سەيسميكالىق نىعايتۋ جۇمىستارىن جۇرگىزگەنىن حابارلادى.48 مەكتەپتى قايتا قۇرۋ، №9، 43 مەكتەپتەرگە قوسىمشا قۇرىلىستار سالۋ جانە №129، 145، 166 مەكتەپتەردى سەيسميكالىق كۇشەيتۋ بويىنشا جۇمىستار باستالدى.
