28 aqpanǵa qaraǵan túni Almaty halyqaralyq áýejaiy-nda Olimpiada chempiony Mihail Shaidorovty saltanatty túrde qarsy alý rásimi ótti, dep habarlaidy Dalanews.kz
Áýejaida sportshyny jankúierler, jýrnalister men qala turǵyndary kútip aldy. Qarsy alý kezinde túrli qoshemetter men quttyqtaý sózder aitylyp, áýen shyrqaldy. Qonaqtarǵa ulttyq taǵamdar usynyldy.
Saltanatty jiyn barysynda chempionǵa erekshe syi tabystaldy. Qazaqstandyq sýretshi Assol onyń portreti beinelengen kilemdi tartý etti. Avtordyń aitýynsha, týyndy erekshe tásilmen – konki kómegimen oryndalǵan. Jelide taraǵan beinejazbada sýretshiniń portretti muz ústinde salyp jatqan sáti kórsetilgen.
Aita keteiik, Mihail Shaidorov – halyqaralyq arenada Qazaqstannyń namysyn qorǵap, Olimpiada oiyndarynda jeńiske jetken sportshy.
