14 naýryz – jańǵyrý men tatýlyq, qonaqjailyq pen adamdar arasyndaǵy jaqyndyqty beineleitin Kórisý kúnine orai Almaty Tourism Bureau Qazaqstan Respýblikasy Ulttyq qaýipsizdik komiteti Shekara qyzmetiniń Shekara baqylaý departamentimen jáne Almaty halyqaralyq áýejaiymen birlesip, sheteldik qonaqtar úshin aktsiia uiymdastyrady. Is-sharanyń maqsaty – merekelik atmosfera qalyptastyryp, qazaq mádenietiniń negizgi erekshelikteriniń biri - qonaqjailyǵyn kórsetý,- dep habarlaidy Dalanews.kz
Kórisý kúni aýyzbirshilik, syilastyq jáne basqosý qýanyshyna negizdeledi. Dál bul kúni Almatyǵa kelgen jolaýshylar bul jylýdy sezine alady. Tólqujat baqylaýynan ótý kezinde olarǵa qalany aralaýǵa yńǵaily bolatyn gid syilanady. Bul gid Almatynyń basty kórikti jerlerin tanystyrady. Týrister kórgen jerin belgilei alady. Bul – jai ǵana estelik syilyq emes, qalanyń negizgi kórnekti oryndary, mádeni nysandary men erekshe dástúrlerin qamtityn daiyn marshrýt. Sonymen qatar, onda kólik baǵyttary men servis qyzmetteri týraly aqparat berilgen, bul qonaqtarǵa qala ishinde jaily ári ońai júrip-turýyna kómektesedi.
Aktsiia 50-den asa halyqaralyq reispen keletin 5 myńnan asa jolaýshyny qamtidy. Almatyǵa kelgen qonaqtar ushaqtan túse sala qalanyń qonaqjai atmosferasyn sezine alady.
Bul bastama – týristik qyzmet sapasyn arttyrýǵa baǵyttalǵan «Best City Experience» baǵdarlamasynyń bir bóligi. Almaty zamanaýi, qonaqjai jáne mádeni bai qala retinde oń imidj qalyptastyryp keledi. Mastercard málimetterine sáikes, joǵary deńgeidegi servis pen erekshe áserler týristerdiń qaita kelý kórsetkishin arttyrady. Mysaly, 2024 jyly olardyń úlesi 25%-ǵa jetti.
Tourism Insights (Mastercard) derekterine sáikes, Almaty Qazaqstandaǵy týristik baǵyttar arasynda kósh bastap tur, Ortalyq Aziia boiynsha týristik suranystyń 29,7%-yn ielendi. Qalaǵa áýe reisteriniń sany dástúrli áýe kompaniialarynda – 24,7%-ǵa, al loýkosterlerde – 44,5%-ǵa ósti. Sondai-aq, qaita kelýshiler sany 78,6%-ǵa artqan, al bilet izdeý merzimi 40 kúnge deiin uzardy. Ásirese, Qytai men Túrkiiadan brondaý kórsetkishi ósip, Almatynyń halyqaralyq arenadaǵy tartymdylyǵy artyp keledi.
