Almaty qalasyndaǵy Tuıyq Sý shatqalyndaǵy jańa ortalyq qonaq úı, dámhana, dárihana, jabdyqtar dúkeni jáne kádesyı dúkeni syndy qonaqtarǵa jaıly jaǵdaı usynbaq. Sondaı-aq, ekskýrsıalar uıymdastyrylyp, velosıped jalǵa beriledi, taýly marshrýttarda qaýipsiz júris-turys boıynsha dárister men nusqaýlyqtar ótkiziledi, -dep habarlaıdy Dalanews.kz Almaty qalasy ákiminiń baspasóz qyzmetine silteme jasap.

Qurylys Almaty Business-2025 baǵdarlamasy aıasynda qarjylandyrylyp, 380 mln teńgege baǵalanyp otyr. Ortalyq jyl saıyn búdjetke ákeletin salyq túsimi 170 mln teńge bolmaq.
Ortalyqtyń qurylysy men jabdyqtalýynda ekologıalyq taza materıaldar paıdalanylyp, qaldyqtardy basqarý júıesi engiziledi. Sonymen qatar, keshen aýmaǵynyń tazalyǵy da saqtalady. Bul joba ekotýrızmdi damytýǵa jáne Almatynyń týrısik tartymdylyǵyn arttyrýǵa baǵyttalǵan.