Túrkistanǵa kelýshi qonaqtardyń eki kúnniń ishinde qonaq úıge toqtamaı oblystyń kórikti jerlerin tolyqtaı aralaı alýǵa múmkindigi bolady. Bul degeni jatyn oryn, dýsh syndy qajettiliktermen qamtamasyz etilgen vagondarda týrıser satyp alynǵan týrısik paket esebinen poıyz meıramhanasynda tamaqtana alady. Bir baǵyttaǵy poıyz ishine 22 saıahatshyǵa deıin syıady.
Týrısik baǵyttyń saltanatty ashylý rásimine oblys ákiminiń orynbasary Erbol Tasjúrekov, «Týran-Ekspress» kompanıasynyń basshylyǵy men týrızm salasynyń mamandary jáne BAQ ókilderi qatysty.
E.Tasjúrekov óńirimizde alǵash ret qolǵa alynyp, jumysyn bastaǵan týrısik baǵyttyń Túrkistanǵa keletin týrıser sanyn odan ári kóbeıtip, salany damytýǵa tıgizetin septiginiń mol ekenin jetkizdi.
Tusaýy saltanatty jaǵdaıda kesilgen poıyz baǵyty aıasynda kelgen qonaqtarǵa aqparattyq týr uıymdastyryldy. Meımandar aldymen, Otyrar, Saýran qalashyqtarynda bolyp, odan soń, "Áziret-Sultan" memlekettik tarıhı-mádenı qoryq murajaıynyń nysandaryn kórip, tanysty.
Eske sala ketsek, elimizdegi «Týran-Ekspress» JSHS kóliktik kompanıasy men oblystyq jolaýshylar kóligi jáne avtomobıl joldary basqarmasy, sondaı-aq oblystyq týrızm jáne syrtqy baılanystar jáne oblystyq ishki saıasat basqarmalary arasynda Túrkistan oblysynda ishki týrızmdi damytý maqsatynda ózara yntymaqtastyq týraly memorandým túzilgen bolatyn.
Túrkistan oblysy ákiminiń baspasóz qyzmeti
