ق ر تاۋەلسىزدىك كۇنى قارساڭىندا تۇركىستان وبلىسىندا «الماتى-تۇركىستان» باعىتىندا قاتىنايتىن تۋريستىك پويىز اشىلىپ، ءوز جۇمىسىن باستادى. قوس شاھاردىڭ اراسىندا ءار اپتانىڭ جۇما-جەكسەنبى ارالىعىندا جۇرگىزىلەتىن ساياحاتتىق باعىت تۋريستەر ءۇشىن وتە قولايلى بولماق.

تۇركىستانعا كەلۋشى قوناقتاردىڭ ەكى كۇننىڭ ىشىندە قوناق ۇيگە توقتاماي وبلىستىڭ كورىكتى جەرلەرىن تولىقتاي ارالاي الۋعا مۇمكىندىگى بولادى. بۇل دەگەنى جاتىن ورىن، دۋش سىندى قاجەتتىلىكتەرمەن قامتاماسىز ەتىلگەن ۆاگونداردا تۋريستەر ساتىپ الىنعان تۋريستىك پاكەت ەسەبىنەن پويىز مەيرامحاناسىندا تاماقتانا الادى. ءبىر باعىتتاعى پويىز ىشىنە 22 ساياحاتشىعا دەيىن سىيادى.

تۋريستىك باعىتتىڭ سالتاناتتى اشىلۋ راسىمىنە وبلىس اكىمىنىڭ ورىنباسارى ەربول تاسجۇرەكوۆ، «تۋران-ەكسپرەسس» كومپانياسىنىڭ باسشىلىعى مەن تۋريزم سالاسىنىڭ ماماندارى جانە ب ا ق وكىلدەرى قاتىستى.

ە.تاسجۇرەكوۆ وڭىرىمىزدە العاش رەت قولعا الىنىپ، جۇمىسىن باستاعان تۋريستىك باعىتتىڭ تۇركىستانعا كەلەتىن تۋريستەر سانىن ودان ءارى كوبەيتىپ، سالانى دامىتۋعا تيگىزەتىن سەپتىگىنىڭ مول ەكەنىن جەتكىزدى.

تۇساۋى سالتاناتتى جاعدايدا كەسىلگەن پويىز باعىتى اياسىندا كەلگەن قوناقتارعا  اقپاراتتىق تۋر ۇيىمداستىرىلدى. مەيماندار الدىمەن، وتىرار، ساۋران قالاشىقتارىندا بولىپ، ودان سوڭ، "ازىرەت-سۇلتان" مەملەكەتتىك تاريحي-مادەني قورىق مۇراجايىنىڭ نىساندارىن كورىپ، تانىستى.

ەسكە سالا كەتسەك، ەلىمىزدەگى «تۋران-ەكسپرەسس» ج ش س كولىكتىك كومپانياسى مەن وبلىستىق جولاۋشىلار كولىگى جانە اۆتوموبيل جولدارى باسقارماسى، سونداي-اق وبلىستىق تۋريزم جانە سىرتقى بايلانىستار جانە وبلىستىق ىشكى ساياسات باسقارمالارى اراسىندا تۇركىستان وبلىسىندا ىشكى ءتۋريزمدى دامىتۋ ماقساتىندا ءوزارا ىنتىماقتاستىق تۋرالى مەموراندۋم تۇزىلگەن بولاتىن.



تۇركىستان وبلىسى اكىمىنىڭ باسپا ءسوز قىزمەتى