Almatylyq aýrýhanalardan reportajdar, dárigerler men olardyń otbasylarymen kezdesýler, el men qalanyń densaýlyq saqtaý salasynda aty ańyzǵa ainalǵan qairatkerlerdiń áńgimeleri, pandemiiaǵa qatysty keńester men usynystar, sonymen qatar, aq halattylardyń súiip tyǵdaityn ánderi shyrqalyp, derekti jáne kórkem filmder kórsetiletin bolady.
«Telearna efirinde dárigerler kúni erekshe túrde atap ótýdi josparlap otyrmyz. Álemde aq halatty abzal jandardyń janqiiarlyq eńbegine bas iip, qoshemet kórsetý osy bir pandemiia kezinde aiqyn kórinýde ekendigi sózsiz. Indetpen kúres bizge naǵyz batyrlar men juldyzdardy kórsetti.
Karantin bastalǵaly beri telearna ujymy únemi meditsinalyq qyzmetkerlerdiń COVID-19-ben kúrestegi kásibi qyzmetterin kórermender úshin túsinikti ári shynaiy deńgeide kórsetýdi maqsat etti. Biz olardyń batyl eńbeginiń kýási boldyq.
«Shyn júrekten» aktsiiasy – bul barlyq almatylyqtardyń jáne qazaqstandyqtardyń atynan dárigerlerge alǵys bildirý», – dedi Almaty TV bas direktory Nurjan Muhamedjanova.
Almaty TV telearnasynyń barlyq kórermenderin meditsina qyzmetkerlerine rizashylyǵymyzdy bildirip, alǵys aitýǵa shaqyramyz. Barlyq merekelik efirdiń basty keiipkeri dárigerler bolady. 20 maýsymnyń tańynan bastap, 21 maýsym saǵat 22:00 deiin qyzyqty baǵdarlamalar, kontsertter, derekti filmder men rolikter bolady.
«Chestno s Ponomarevym» baǵdarlamasynda «Qazaq onkologiia men radiologiia ǵylymi-zertteý institýtynyń» direktory Diliara Qaidarovamen 20 maýsym kúni saǵat 10:20 onkologiia taqyrybynda áńgime qozǵaimyz. Atalmysh baǵdarlamanyń jeksenbi kúngi kezekti qonaǵy – mikrobiolog Baqyt Ramazanova kásibi jaiynda baiandaidy. 21 maýsymda Aqberen Elgezek óziniń «Shynaiy Aqberenmen» baǵdarlamasynda virýsolog Aidyn Qydyrbaevpen elimizde oryn alyp jatqan pandemiia jaiynda suhbattasady.
Jeksenbi kúni saǵat 18:30 «Sheshimi bar» tok-shoýynda koronavirýspen kúreske qatysyp, qiyn sátte kómek qolyn sozǵandarǵa qurmet kórsetiledi. Noel Shaiahmetov «Nash milyi doktor» filminiń túsirilimi men akter Iýrii Pomerantsev, ánshi Bibigúl Tólegenova jaiynda áńgime órbitedi (senbi 20 maýsym. 11:35). Sonymen qatar, «Almatinskie istorii» arnaiy shyǵarylymynda aty ańyzǵa ainalǵan professor Salima Balmahanovany kóre alasyzdar (jeksenbi 21 maýsym, 11:00). 20 maýsymda saǵat 14:00 almatylyq dárigerlerdiń eń súiikti ánderi «Bári biledi» baǵdarlamasynda shyrqalady. Jańalyqtardyń arnaiy shyǵarylymy senbi kúni 19:30 bolsa, qaitalýy jeksenbiniń tańynda bolady. Kóterińki kóńil kúi úshin 20 maýsym kúni 17:00, jeksenbi kúni saǵat 13:40 pen 22:00 merekelik kontsertterdi tamashalaisyzdar.
Almaty qalasynyń ftiziopýlmonologiia ortalyǵynda, I.Jekenova atyndaǵy qalalyq klinikalyq juqpaly aýrýlar aýrýhanasynda, Almaty qalalyq balalar juqpaly aýrýlar aýrýhanasynda túsirilgen «qaýipti» aimaqtyń biregei kadrlary, birinshi kúnnen bastap koronavirýspen kúresip jatqan dárigerler, úsh ai boiy óz otbasylarynan oqshaýlanǵan dárigerlerdiń áńgimeleri «Almaty TV» «Almaty dárigerleri koronavirýspen betpe bet» (21 maýsym saǵat 6:00)jáne «COVID-19. Boi s teniý» arnaiy jobalarynda (jeksenbi 21 maýsym 15:40).
Ataýly kúnge orai, «Almaty TV» telearnasynda «19.03-19.06» derekti filminiń tusaýkeseri ótedi. Filmniń túsirilimi karantin bastalǵan kúnnen bastap, 19 maýsymǵa deiin júrgizildi.
Oǵan qosa, «Dárigerlerge myń alǵys!» aktsiiasyna jáne alǵys sózderge shoý-biznes ókilderi, qoǵam qairatkerleri men qazaqstandyqtar da qosylady.
Telearnanyń arnaiy jobasy aiasynda kórermenderdiń ózderin emdegen dárigerlerine aitqan alǵystarynan jinaqtalǵan videorolik bir aiǵa jýyq ýaqyttan beri efirde kórsetilip keledi. Jaǵymdy emotsiialar, ádemi ánder, súiikti ártister, qyzyqty siýjetter men tilekter barlyq qazaqstandyqtardyń súiikti «Nash milyi doktor» filmi, dárigerler týraly «Serdtsebienie» úzdik telehikaiasy men kontsertter toptamasy da kórermenderdiń nazaryna usynylady.
