– Studee brıtandyq konsaltıń kompanıasynyń dereginshe, Almaty stýdentterge arnalǵan álemdegi eń úzdik 100 qalanyń biri. Ómir súrý, turǵyn úıdi jalǵa alý quny, ınternet jyldamdyǵy, halyqaralyq reıtıńke enetin joǵary oqý oryndar sany syndy krıterııler boıynsha Almaty 76-shy orynda, – dep jazdy Baqytjan Saǵyntaev.
Derekterdi taldaý barysynda Studee kompanıasynyń zertteýshileri qalada turatyn 15 pen 24 jasqa deıingi jastardyń jalpy sanyn, tamaq ónimderiniń sapasyn, sondaı-aq qaýipsizdik pen sóz bostandyǵy deńgeıin eskerdi.
Tokıo, Melbýrn, Seýl, Kvebek jáne Adelaıda sıaqty álemdik qalalar halyqaralyq reıtıńtiń kóshbasshysy boldy. Bul rette, Almaty Varshavany basyp ozyp, birden Nú-Iorkten keıin ornalasty.
Aıta keterligi, Máskeý bul reıtıńte 84-shi orynda, al Peterbýrg 98-shi orynda.
