Halyqaralyq áriptestikti damytý jáne qalanyń týristik áleýetin ilgeriletý maqsatynda Almaty ákimdigi QHR-nyń Shanhai qalasynda seriktestik týristik alań ashý bastamasyn kóterdi, dep habarlaidy Dalanews.kz
Keń aýqymdy Qytai aýditoriiaǵa baǵyttalǵan bul saltanatty ashylý rásimi 2025 jyldyń maýsym aiynda Shanghai Plaza iskerlik ortalyǵynda ótedi. Is-shara aiasynda Almaty qalasynyń Týrizm basqarmasy men Shanhailyq týristik kompaniia arasynda ózara yntymaqtastyq týraly Memorandýmǵa qol qoiý josparlanǵan.
Aziianyń eń iri megapolisteriniń birinde aqparattyq-týristik alań qurý — Qytaidan keletin saiahatshylar úshin Almatyny tartymdy baǵyt retinde ilgeriletýdiń mańyzdy kezeńi bolmaq. Kelýshilerge kórneki ekspozitsiialar, mýltimediialyq materialdar, sondai-aq, týristik baǵyttar, mádeni is-sharalar, gastronomiialyq erekshelikter jáne demalystyń basqa da aspektileri boiynsha jeke keńester usynylady.
Seriktestik alańnyń ashylýy Qytaidan keletin týrister leginiń turaqty ósýimen tuspa-tus kelip otyr: 2024 jyldyń ózinde Almatyǵa 95 myńnan astam qytailyq týrist kelgen. Bul ótken jyldyń kórsetkishinen 50%-ǵa artyq. Joba Almaty men Shanhai arasyndaǵy gýmanitarlyq jáne iskerlik bailanystardy keńeitý týraly kelisim aiasynda júzege asyrylady. Esterińizge sala keteiik, 2024 jyldyń qarasha aiynda eki qala arasynda baýyrlas qala mártebesin ornatý jóninde Niet hatyna qol qoiylǵan bolatyn. Bul kelisimdi resmi túrde bekitý 2025 jylǵa josparlanǵan.
Almaty men Shanhai arasyndaǵy tikelei áýe reisiniń ashylýy ekijaqty týrizmdi damytýǵa qosymsha serpin beredi. China Eastern Airlines áýe kompaniiasynyń turaqty reisteri jaqyn arada bastalmaq.
Qytaimen týristik jáne iskerlik yntymaqtastyqty jan-jaqty damytý jónindegi keshendi sharalar Almatynyń halyqaralyq imidjin nyǵaitýǵa, shetelden keletin týrister legin arttyrýǵa jáne mádeni almasýdy keńeitýge múmkindik beredi.
