Dárigerdiń aıtýynsha, kovıdti gospıtáldiń reanımasıasynda 267 almatylyq bar, ÓJJ-de – 28 adam, ınvazıvti emes ÓJJ-ge 110 adam qosýly bolsa, taǵy 103 naýqas High flow apparatynyń kómegimen em alýda.
Gúlzat Baızahova 27 shildedegi jaǵdaı boıynsha Almatyda koronavırýs ınfeksıasyn juqtyrǵan 1 250 naýqastyń tirkelgenin aıtty.
– Qaýipti indetti juqtyrǵandardyń kóptiginen naýqastardy ornalastyrý úshin tósek-oryn sanyn kóbeıtýdemiz. Qazirdiń ózinde qalanyń 3 943 turǵyny ınfeksıalyq stasıonarlarda jatyr. Sonyń ishinde 215 bala bar. Sonymen qatar 7 702 naýqas mobıldi brıgada men telemedısına ortalyǵynyń kúndelikti baqylaýynda. Sebebi, kóbisi ekpe almaǵan jáne betperde rejımin saqtamaǵan, – dedi bólim meńgerýshisi.
Gúlzat Baızahovanyń aıtýynsha, vaksına adamnyń indet juqtyrmaýyna 100 paıyz kepildik bere almaıdy. Siz aýrý juqtyrýyńyz múmkin, biraq ol jeńil túrde ótedi.
– Shynynda bizde vaksınaǵa qarsy adamdar bar. Biraq bul tek 1-2%-y ǵana. Qalǵandary vaksınalanbaǵan naýqastar. Vaksınadan ótpegen turǵyndar qaýipti, olardyń ımýnıteti vırýstyń mýtasıasyna kóbirek beıim, – deıdi bólim meńgerýshisi.
Eger buryn ınfeksıalardyń eń kóp sany 60 jastan asqan adamdar arasynda bolsa, sońǵy aptada dárigerler naýqastardyń ishinde jastar men balalardyń kóbeıgenin aıtty. Bul jańa «úndi» shtamynyń paıda bolýymen baılanysty. Ol óte juqpaly jáne ınkýbasıalyq kezeńi de qysqa.
Gúlzat Baızahova jasyna jáne sozylmaly aýrýlardyń bolýyna qaramastan ekpe alý óte mańyzdy dep sanaıdy. Onyń aıtýynsha, vaksınaǵa kúmánmen qaraıtyn adamdar janama áserden qoryqpaýy kerek.
– Vaksınadan keıin adamdarda belgili bir reaksıa paıda bolady. Bul qalypty temperatýranyń bolýy. Sondaı-aq, ıneksıa orny aýyrǵan kezde jergilikti reaksıa bar. Adamnyń vaksınaǵa reaksıasy bar joǵy ımýnıtetke baılanysty emes. Bul antıdene tıtrine táýeldi emes. Vaksınany alǵannan keıin ıneksıa alańyn úsh kún boıy sýlamaý, monsha men saýnaǵa barýdan bas tartý, alkogól ishpeý jetkilikti. Sondaı-aq, osy kezeńde fızıkalyq júktemelerden aýlaq bolý kerek, – dedi Gúlzat Baızahova.
Emhana dárigeri Qazaqstanda bar vaksınalardyń túbegeıli aıyrmashylyqtary joq ekenin aıtty. Olardyń barlyǵy ımýnıtetti qalyptastyrady.
– Vaksınanyń eki komponentin alǵannan keıin adam birden vaksına pasportyn alady. Sebebi derekter elektrondyq úkimet portalymen baılanysty. E-Gov mobile qosymshasyndaǵy «sıfrlyq qujattar» bóliminde qajetti qujatty kórýge nemese emhanadan anyqtama alýǵa bolady", – dep túsindirdi Gúlzat Baızahova.
№5 qalalyq emhananyń bólim meńgerýshisi Almaty turǵyndaryn ekpe pýnktterine kelip, vaksına alýǵa shaqyrdy. Onyń aıtýynsha, óz densaýlyǵymyzǵa jaýapkershilikpen qaraý kerek. Vaksınalar deneni koronavırýstyń tez ózgeretin shtamdarynan qorǵaıtyn jalǵyz quraly.
Aıta ketsek, Almatyda 1 aqpan men 27 shilde aralyǵynda 690 711 adam vaksına aldy. Ótken táýlikte 5 001 qala turǵyny ekpe aldy. 60 jastan joǵary vaksına alǵan adam sany 96 553 adamdy quraıdy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 212 vaksına pýnktteri (250-ge deıin ulǵaıtý múmkindigimen) jumys isteıdi. 1 260 adam jumyldyrylǵan 308 ekpe brıgadasy jumys jasaýda.
