6 qarasha kúni tańerteń Almatynyń ortalyq bóligi elektr jaryǵynsyz qaldy. «Alataý Jaryq Kompaniiasy» taratqan derekke sai, apattyq óshirý tańǵy 7:40 shamasynda bolǵan, dep habarlaidy Dalanews.kz.
Jaryq Gogol kóshesi, Nazarbaev dańǵyly, Bógenbai batyr kóshesi jáne Abylai han dańǵylynyń mańyndaǵy úilerde sóngen. Kompaniianyń málimetinshe, bul - apattyq jaǵdai, sebebi áli anyqtalyp jatyr. Elektr qýatyn eki saǵat ishinde qalpyna keltirý josparlanyp otyr.
Budan bólek, búgin, 6 qarashada qaladaǵy birneshe aýmaqta josparly jóndeý jumystaryna bailanysty jaryq ýaqytsha óshirildi.
Almaly aýdany: Jambyl kóshesiniń ońtústigi, Adi Sharipov jáne Dosmuhamedov kósheleri mańy;
Almaly aýdany: Tóle bi, Arenskii, Dúisenov jáne Anosov kósheleriniń qiylysy;
Jetisý aýdany: Uiǵyr, Aqpaev, Burhan jáne Kolhoznaia kósheleri aýmaǵy.
Elektr energiiasy saǵat 08:00-de óshirilip, 17:00 shamasynda qaita qosylady. Sebebi – qazirgi jóndeý jumystary.
