6 қараша күні таңертең Алматының орталық бөлігі электр жарығынсыз қалды. «Алатау Жарық Компаниясы» таратқан дерекке сай, апаттық өшіру таңғы 7:40 шамасында болған, деп хабарлайды Dalanews.kz.

Жарық Гоголь көшесі, Назарбаев даңғылы, Бөгенбай батыр көшесі және Абылай хан даңғылының маңындағы үйлерде сөнген. Компанияның мәліметінше, бұл - апаттық жағдай, себебі әлі анықталып жатыр. Электр қуатын екі сағат ішінде қалпына келтіру жоспарланып отыр.

Бұдан бөлек, бүгін, 6 қарашада қаладағы бірнеше аумақта жоспарлы жөндеу жұмыстарына байланысты жарық уақытша өшірілді.

Алмалы ауданы: Жамбыл көшесінің оңтүстігі, Ади Шарипов және Досмұхамедов көшелері маңы;

Алмалы ауданы: Төле би, Аренский, Дүйсенов және Аносов көшелерінің қиылысы;

Жетісу ауданы: Ұйғыр, Ақпаев, Бұрхан және Колхозная көшелері аумағы.

Электр энергиясы сағат 08:00-де өшіріліп, 17:00 шамасында қайта қосылады. Себебі – қазіргі жөндеу жұмыстары.