Almatyda Qazaqstan men Qytai arasyndaǵy týrizm salasyndaǵy yntymaqtastyq týraly memorandýmǵa qol qoiyldy. Bul týraly qalalyq Týrizm basqarmasy málimdedi,- dep habarlaidy Dalanews.kz
«Qazaqstan – Qytai» týrizm jyly aiasynda jasalǵan bul memorandým Qytai Halyq Respýblikasynan týristerdi tartýǵa baǵyttalǵan jańa strategiialyq múmkindikterge jol ashady.
Almaty qalasynyń Týrizm basqarmasy men Shandýn provintsiiasynyń týristik uiymdary arasynda qol qoiylǵan kelisimder birlesken týristik ónimderdi damytýǵa, Qytaidan keletin týrister aǵynyn arttyrýǵa jáne qalanyń infraqurylymyn keńeitýge baǵyttalǵan. Bul qadamdar Almatynyń halyqaralyq týristik ortalyq retindegi ornyn nyǵaityp, eki el arasyndaǵy mádeni jáne iskerlik bailanystardy damytýǵa yqpal etedi.
2024 jyly Almaty qalasyna Qytaidan 99 myńnan astam týrist kelgen, bul ótken jylmen salystyrǵanda 50%-ǵa kóp. Memorandým Qytaidan keletin týrizmdi damytýdaǵy mańyzdy kezeń bolyp tabylady jáne qonaqjailylyq pen týrizm salasyndaǵy uzaq merzimdi, ózara tiimdi yntymaqtastyqtyń jańa múmkindikterin ashady.
