Almaty polısıasy qyzmetin kúsheıtilgen tártipte atqarýǵa kóshirildi, dep habarlaıdy Dalanews.kz.
Búgin Almatyda qala polısıa departamentiniń bastyǵy, polısıa general-maıory Arystanǵanı Zapparovtyń tóraǵalyǵymen keshendi polısıa kúshteriniń birikken saptyq taralym ótkizildi. İs-shara merekelik kúnderge oraı qoǵamdyq qaýipsizdikti arttyrý maqsatynda qyzmetti kúsheıtilgen tártipte atqarýǵa kóshirý aıasynda uıymdastyryldy.
General Zapparov jeke quramǵa negizgi mindetterdi qoıdy: qoǵamdyq tártipti qamtamasyz etý, aldyn alý jumystaryn kúsheıtý jáne kez kelgen quqyq buzýshylyqtarǵa jedel áreket etý. Arnaıy nazar halyq kóp jınalatyn oryndardy patrúldeý, jol qozǵalysynyń qaýipsizdigin qamtamasyz etý, jasóspirimder arasyndaǵy quqyq buzýshylyqtardyń aldyn alý jáne álternatıvti kólikterdi paıdalaný kezinde quqyq buzýshylyqtardy boldyrmaýǵa aýdaryldy.
«Biz merekelik kúnderde turǵyndardyń tynyshtyǵyn qamtamasyz etý úshin qyzmetti kúsheıtilgen tártipte atqarýǵa kóshtik. Polısıanyń mindetteri ózgermeıdi - Zań jáne tártip. Árbir qyzmetker óz qyzmetin jaýapkershilikpen, muqıat jáne prınsıpti oryndaýy tıis. Qyzmetińiz arqyly adamdardyń qaýipsizdigi qamtamasyz etiledi, kez kelgen quqyq buzýshylyq ýaqytyly anyqtalyp, toqtatylýy qajet», - dep atap ótti Arystanǵanı Zapparov.
Almatyda«Quqyq tártibi» jedel-profılaktıkalyq is-sharasy bastaldy: jaıaý jáne avtopatrýlder kúsheıtildi, kınologıalyq esepter, ÁPB, QQB jáne jedel qyzmetterdiń bólimsheleri tartyldy.
Almaty polısıasy azamattardy zań normalaryn saqtaýǵa, abaı bolýǵa jáne kez kelgen quqyq buzýshylyqtar men kúdikti jaǵdaılar týraly dereý habarlaýǵa shaqyrady.
