Almaty politsiiasy atys týraly jalǵan aqparat taratqandardy jaýapqa tartpaq
Qalalyq politsiia baspasóz qyzmetiniń jetekshisi Saltanat Ázirbektiń aitýynsha, áleýmettik jelilerde shyndyqqa janaspaityn aqparattardy taratqan azamattar biri qalmai qylmystyq jaýapqa tartylady.
– Munyń aldynda áleýmettik jelilerdi tekserýdi bastaitynymyzdy habarlaǵan edik, tekserilmegen derekterdi taratqandar qylmystyq kodekske sai jaýap beredi. QR QK 274-baby 2-tarmaǵynda «Qoǵamdyq tártipti buzý nemese azamattardyń nemese uiymdardyń quqyqtary men zańdy múddelerine ne qoǵamnyń nemese memlekettiń zańmen qorǵalatyn múddelerine eleýli ziian keltirý qaýpin tóndiretin kórineý jalǵan aqparat taratý, «bes myń ailyq eseptik kórsetkishke deiingi mólsherde aiyppul salýǵa ne sol mólsherde túzeý jumystaryna ne eki jyldan bes jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrýǵa jazalanady» dep aitylǵan», – dedi S.Ázirbek.
Esterińizge salyp ótsek, keshe lańkestik oqiǵa oryn alǵan kezde áleýmettik jelide adamdardyń kepilge alynǵany, lańkesterdiń birnesheý ekeni týraly jalǵan aqparattar taraǵan bolatyn.
