قالالىق پوليسيا باسپا ءسوز قىزمەتىنىڭ جەتەكشىسى سالتانات ازىربەكتىڭ ايتۋىنشا، الەۋمەتتىك جەلىلەردە شىندىققا جاناسپايتىن اقپاراتتاردى تاراتقان ازاماتتار ءبىرى قالماي قىلمىستىق جاۋاپقا تارتىلادى.
– مۇنىڭ الدىندا الەۋمەتتىك جەلىلەردى تەكسەرۋدى باستايتىنىمىزدى حابارلاعان ەدىك، تەكسەرىلمەگەن دەرەكتەردى تاراتقاندار قىلمىستىق كودەكسكە ساي جاۋاپ بەرەدى. ق ر قك 274-بابى 2-تارماعىندا «قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋ ءقاۋپىن توندىرەتىن كورىنەۋ جالعان اقپارات تاراتۋ، «بەس مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ەكى جىلدان بەس جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى» دەپ ايتىلعان»، – دەدى س.ازىربەك.
ەستەرىڭىزگە سالىپ وتسەك، كەشە لاڭكەستىك وقيعا ورىن العان كەزدە الەۋمەتتىك جەلىدە ادامداردىڭ كەپىلگە الىنعانى، لاڭكەستەردىڭ بىرنەشەۋ ەكەنى تۋرالى جالعان اقپاراتتار تاراعان بولاتىن.
