Almaty oblysynyń Týrızm basqarmasynyń jańa basshysy taǵaıyndaldy

Jarbol Kentuly 08 sáý. 2024 10:58 1156

Almaty oblysy ákiminiń ókimimen 2024 jylǵy 8 sáýirden bastap Qýanyshbek Mırambekuly Almaty oblysy týrızm basqarmasynyń basshysy laýazymyna taǵaıyndaldy, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Qýanyshbek Mırambekuly 1993 jyly Almaty oblysy İle aýdanynda týylǵan, bilimi joǵary, 2012 jyly Seýl Kangnam ýnıversıtetinde adam resýrstaryn basqarý baǵdarlamasy boıynsha kýrstan ótken, 2013 jyly Bamberg Otto-Frıdrıh ýnıversıtetinde almasý baǵdarlamasy stýdenti bolǵan, 2015 jyly Turar Rysqulov atyndaǵy Jańa ekonomıkalyq ýnıversıtetin «ekonomıkajáne bıznes», 2016 jyly Ortalyq Azıa ýnıversıtetin «zańtaný» mamandyqtary boıynsha bitirgen.

Bolashaq baǵdarlamasy boıynsha 2022 jyly London Koróldik kolejinde quqyq mamandyǵy boıynsha taǵylymdamadan ótken.

Eńbek jolyn 2012 jyly jeke kásipker retinde bastaǵan.

Ár jyldary «Hıt trevel» jaýapkershiligi shekteýli seriktestiginiń býhgalterynyń kómekshisi, Astana qalasy boıynsha sot saraptamalary ınstıtýtynyń sarapshysy, QR Ádilet mınıstrliginiń sot saraptamalary ortalyǵynyń kadrlyq, zańdyq qamtamasyz etý jáne qujat aınalymy basqarmasynyń basshysy, Qaraǵandy oblysy boıynsha sot saraptamalary ınstıtýty dırektorynyń orynbasary laýazymdarynda jumys istedi.

2022 jylǵy tamyz aıynan búgingi kúnge deıin Almaty oblysy ákimi apparatynyń biryńǵaı personaldy basqarý qyzmetiniń basshysy laýazymynda qyzmet atqardy.


Usynylǵan
Sońǵy jańalyqtar