Shara barysynda 50 adamnan quralǵan top teńiz deńgeiinen 3682 metr biiktikte ornalasqan Úlken Almaty shyńyna kóterildi.
– «Jetisý adaldyq alańy» jobalyq keńsesiniń bastamasymen uiymdastyrylǵan sharaǵa árbir jas belsene atsalysýda. Bul ortasha taýdyń jotalaryna shyqsańyz tabiǵattyń sheberligine tańǵalasyz. Kók kúmbezege talasa boi kótergen zeńgir taýlar, taý-tasty jaryp aqqan bulaqtar, jylǵalar, qalyń qaraǵai, shyrsha, aqqaiyń aralas orman, bári-bári tamasha. Osynyń bárin óz kózińmen kórý bir baqyt, – deidi Almaty oblystyq departamentiniń basshysy Daniiar Turǵanbaev.
Biiktikti baǵyndyrýda alǵashqylardyń biri bolyp jetken Sybailas jemqorlyqqa qarsy is-qimyl agenttiginiń Almaty oblysy boiynsha departamentiniń qyzmetkeri Nazerke Kýrjikbaeva shyńǵa shyqqandaǵy oi-sezimin, kóńil kúiin bildirdi.
– Men mundai biiktikti ómirde baǵyndyramyn dep oilamappyn. Tań sáriden jolǵa shyǵyp, taýǵa qarai túrli ainalmaly júristegi joldarmen júrdik. Joldyń tym aýyr ekendigin baiqadyq. Degenmen taýdyń adamdy tartatyn bir qasieti bar sekildi. Qansha alys ári tym biikte bolsa da, biikke órleýden ishtei tartynbadyq. Sonyń nátijesi bolsa kerek, 3600 metr biiktikke jetýdiń baqyty buiyrypty. Munda ózińdi bir erekshe sezinedi ekensiń. Negizi, taýdyń bir ereksheligi bar. Munda otteginiń jetispeýshiligi anyq baiqaldy. Ári aǵzaǵa aýyrtpashylyq túsiredi. Tipti temperatýranyń ózi tómendeý. Men úshin ómirde taýdaǵy osy sapar umytylmas estelikter bolyp qalmaq.
