Almaty oblysynyń kiberpolitseileri Óńirlik kommýnikatsiialar qyzmetiniń alańynda ótken brifingte internet-alaiaqtyqqa qarsy is-qimyl boiynsha keshendi sharalar týraly aityp berdi, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Quqyq qorǵaý organdarynyń ókilderi azamattardy kiberqaýipterden qorǵaýdyń jańa joldary týraly aityp, alaiaqtyq shemalardy jedel anyqtaýǵa baǵyttalǵan jobalardy usyndy.
– 22 shildede óz jumysyn Ulttyq bankpen jáne QR IIM-men birlesip bastaǵan «Antifraud-ortalyq» jobasyn qurý mańyzdy qadam boldy. Ortalyq alaiaqtyq operatsiialardy tiimdi anyqtaý jáne buǵattaý úshin qarjy uiymdaryn, quqyq qorǵaý organdaryn jáne bailanys operatorlaryn biriktiretin platforma bolyp tabylady. Ortalyq iske qosylǵan sátten bastap Almaty oblysy boiynsha 200-ge jýyq kúdikti operatsiiaǵa tosqaýyl qoiylyp, jábirlenýshilerge buǵattalǵan qarajatty qaitarý boiynsha jumystar júrgizilýde, – dep atap ótti Almaty oblysy PD KPB bastyǵynyń m.a. Nurjan Keńeshanuly.
Jyl basynan beri óńirde 1136 internet-alaiaqtyq faktisi tirkeldi, al jábirlenýshilerge 40 million teńgeden astam qarajat qaitaryldy.
Brifing kiberqylmyspen kúresýdiń ártúrli aspektileri boiynsha suraqtar qoiǵan jýrnalisterdiń úlken qyzyǵýshylyǵyn týdyrdy. Quqyq qorǵaý organdarynyń ókilderi azamattardyń qarajatyn qorǵaýǵa jáne tsifrlyq keńistiktegi qaýipsizdikti arttyrýǵa baǵyttalǵan sharalar týraly ózekti aqparatpen bólisip, jan-jaqty jaýaptar berdi.
