M.Túimebaev aýylynyń turǵyny Jeńisgúl Dáýletova óziniń tabandylyǵy men erekshe sheberliginiń arqasynda «AMANAT» partiiasynyń qoldaýymen Qazaqstan múgedekter konfederatsiiasy uiymdastyrǵan «Jan Shýaq» qoǵamdyq syilyǵynyń laýreaty atandy. Ol «Kásipkerlik qyzmetti damytýǵa qosqan úlesi úshin» nominatsiiasynda jeńimpaz dep tanyldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
2003 jyly aýyr jol apatynan keiin arbaǵa tańylǵan Jeńisgúl Dáýletova óz kásibin dóńgeletip, ulttyq qolónerdi damytýǵa bar kúshin salyp keledi. Alǵashynda hobbi retinde bastalǵan isi búginde ony halyqaralyq deńgeidegi qolóner sheberi dárejesine jetkizdi.
Kásipker ulttyq kiimder, bas kiimder, aiaq kiimder men jún ónimderinen jasalatyn buiymdaryn el ishinde ǵana emes, sheteldik kórmelerde de tanytyp júr. 2023 jyly ol «Bir aýyl – bir ónim» respýblikalyq jobasynyń finalisi atanyp, Almaty oblysynyń úzdik kásipkerleri qataryna qosyldy.
Ol 20 jyl boiy kóptegen halyqaralyq kórmeler men forýmdarǵa qatysyp, qoǵamda belsendi azamattyq ustanymyn kórsetip keledi. Jeńisgúl Dáýletova Ile aýdanyndaǵy isker áielder keńesiniń tóraǵa orynbasary jáne qoǵamdyq jumystardyń belsendi múshesi retinde de tanymal.
