QR Prezidenti janyndaǵy Jastar saiasaty jónindegi «Jas keńes syilyǵynyń» qazylar alqasy taǵaiyndaǵan «Altyn júrek» nominatsiiasy boiynsha, jerlesimiz Darhan Baqytkeldiuly jeńimpaz atandy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Bul marapat qoǵam úshin mańyzdy salalarda jumys isteitin, jetistikteri jii eleýsiz qalatyn jas mamandarǵa beriledi.
Darhan meditsinaǵa sińirgen eńbegi men adaldyǵy úshin laiyqty marapatqa qol jetkizip, diplom jáne bir million teńge syilyq aldy.
Ótken jyly barlyq respýblikalyq BAQ, Darhannyń az ǵana tájiribesinde jeti sábidiń dúniege kelýine kómekteskenin erekshe jazǵan bolatyn!
26 jastaǵy Darhan qazirdiń ózinde tájiribeli feldsher jáne óz isiniń naǵyz kásibi mamany. Ol ártúrli meditsinalyq mekemelerde jumys istep, ártúrli jaǵdailarda adamdarǵa kómektesti.
Eń tynysh kásiptiń ózinde naǵyz erlik jasaýǵa bolatynyn kórsetken Darhan – úlgili tulǵa. Ol Almaty oblysynyń maqtanyshy!
