Bul týraly Almaty oblysy ákimdiginiń resmi paraqshasynda habarlandy.
10 jasynda jetim qalǵan ápkeli-sińlili qyzdardy, kórshileri balalar úiine ótkizýge májbúr bolǵan.
Gúlim kámelettik jasqa deiin «Ainalaiyn» balalar úiinde ósip-jetti. Taǵdyr taýqymetin erte tartqan jetim qyz erte eseiip, balalar úiin bitirisimen Taldyqorǵan qalasyndaǵy Agrotehnikalyq kolledjge oqýǵa túsip, 4 jyl jataqhana turdy. Alaida, qolyna diplom alysymen, máseleniń bári sheshilip kete qoimady.
Tipti, alty jyl kezdesken jigiti jetim ekenin bilgennen keiin aiaǵy aýyr Gúlimdi tastap ketken.
Ol baratyn jeri qalmaǵan soń, eki jasar qyzyn qushaqtap analar úiin panalaǵan. Jalǵyzbasty ana osy ýaqytqa deiin balasyna qujatta jasata almaǵan eken.
“Jylyn jazyp turyp, ai-kúnin jazbaǵan. Sonyń saldarynan áli kúnge deiin týý týraly kýálik ala almaǵan. Al bul qujaty bolmaǵandyqtan járdemaqy ala almai, eki ai boiy kóshede sandalyp júrgen. Osynyń bári árbir qyzmetkerdiń qateligi, salǵyrttyǵy”, – deidi zańger Qojabergen Dáýrenbekav.
Osylaisha, barar jer, basar taýy qalmaǵan aiaǵy aýyr Gúlim birneshe kún dalada túnegen. Tórt kún boiy jas qyzdyń saiabaqtaǵy oryndyqta uiypta júrgenin kórgen beitanys áiel ony úiine aparyp, tamaq bergen. Sol áiel páter jaldap, azyq-túlik alyp berip, kómektesken. Osylaisha, Gúlim jumysqa ornalasyp, ai kúni jaqyndaǵansha qyzmet etemin dep, qyzyn shala bosanǵan.
Keiin «Jetisý» telearnasyndaǵy «Bolmys» baǵdarlamasynyń qystaǵy bir kórsetiliminde «Ainalaiyn» balalar úiiniń túlegi, jalǵyzbasty ana sanatyndaǵy taldyqorǵandyq Gúlim Nurkebaidyń qiyn jaǵdaiy men basyna túsken aýyrtpalyqtar jaiyndaǵy habardy kórgen óńir basshysy Amandyq Batalov ony ózine shaqyryp, qoldaý kórsetetindigin jetkizgen bolatyn. Búgin sol ýáde oryndaldy!
Endi Gúlim óz bóbegimen jeke baspanasynda baqytty ǵumyr keshpek.
Qonys iesine bir bólmeli páterdiń kiltin Almaty oblysynyń ákimi Amandyq Batalovtyń atynan ákim orynbasary Jaqsylyq Omar tabystady.
