بۇل تۋرالى الماتى وبلىسى ەكٸمدٸگٸنٸڭ رەسمي پاراقشاسىندا حابارلاندى.
10 جاسىندا جەتٸم قالعان ەپكەلٸ-سٸڭلٸلٸ قىزداردى, كٶرشٸلەرٸ بالالار ٷيٸنە ٶتكٸزۋگە مەجبٷر بولعان.
گٷلٸم كەمەلەتتٸك جاسقا دەيٸن «اينالايىن» بالالار ٷيٸندە ٶسٸپ-جەتتٸ. تاعدىر تاۋقىمەتٸن ەرتە تارتقان جەتٸم قىز ەرتە ەسەيٸپ, بالالار ٷيٸن بٸتٸرٸسٸمەن تالدىقورعان قالاسىنداعى اگروتەحنيكالىق كوللەدجگە وقۋعا تٷسٸپ, 4 جىل جاتاقحانا تۇردى. الايدا, قولىنا ديپلوم الىسىمەن, مەسەلەنٸڭ بەرٸ شەشٸلٸپ كەتە قويمادى.
تٸپتٸ, التى جىل كەزدەسكەن جٸگٸتٸ جەتٸم ەكەنٸن بٸلگەننەن كەيٸن اياعى اۋىر گٷلٸمدٸ تاستاپ كەتكەن.
ول باراتىن جەرٸ قالماعان سوڭ, ەكٸ جاسار قىزىن قۇشاقتاپ انالار ٷيٸن پانالاعان. جالعىزباستى انا وسى ۋاقىتقا دەيٸن بالاسىنا قۇجاتتا جاساتا الماعان ەكەن.
“جىلىن جازىپ تۇرىپ, اي-كٷنٸن جازباعان. سونىڭ سالدارىنان ەلٸ كٷنگە دەيٸن تۋۋ تۋرالى كۋەلٸك الا الماعان. ال بۇل قۇجاتى بولماعاندىقتان جەردەماقى الا الماي, ەكٸ اي بويى كٶشەدە ساندالىپ جٷرگەن. وسىنىڭ بەرٸ ەربٸر قىزمەتكەردٸڭ قاتەلٸگٸ, سالعىرتتىعى”, – دەيدٸ زاڭگەر قوجابەرگەن دەۋرەنبەكاۆ.
وسىلايشا, بارار جەر, باسار تاۋى قالماعان اياعى اۋىر گٷلٸم بٸرنەشە كٷن دالادا تٷنەگەن. تٶرت كٷن بويى جاس قىزدىڭ ساياباقتاعى ورىندىقتا ۇيىپتا جٷرگەنٸن كٶرگەن بەيتانىس ەيەل ونى ٷيٸنە اپارىپ, تاماق بەرگەن. سول ەيەل پەتەر جالداپ, ازىق-تٷلٸك الىپ بەرٸپ, كٶمەكتەسكەن. وسىلايشا, گٷلٸم جۇمىسقا ورنالاسىپ, اي كٷنٸ جاقىنداعانشا قىزمەت ەتەمٸن دەپ, قىزىن شالا بوسانعان.
كەيٸن «جەتٸسۋ» تەلەارناسىنداعى «بولمىس» باعدارلاماسىنىڭ قىستاعى بٸر كٶرسەتٸلٸمٸندە «اينالايىن» بالالار ٷيٸنٸڭ تٷلەگٸ, جالعىزباستى انا ساناتىنداعى تالدىقورعاندىق گٷلٸم نۇركەبايدىڭ قيىن جاعدايى مەن باسىنا تٷسكەن اۋىرتپالىقتار جايىنداعى حاباردى كٶرگەن ٶڭٸر باسشىسى اماندىق باتالوۆ ونى ٶزٸنە شاقىرىپ, قولداۋ كٶرسەتەتٸندٸگٸن جەتكٸزگەن بولاتىن. بٷگٸن سول ۋەدە ورىندالدى!
ەندٸ گٷلٸم ٶز بٶبەگٸمەن جەكە باسپاناسىندا باقىتتى عۇمىر كەشپەك.
قونىس يەسٸنە بٸر بٶلمەلٸ پەتەردٸڭ كٸلتٸن الماتى وبلىسىنىڭ ەكٸمٸ اماندىق باتالوۆتىڭ اتىنان ەكٸم ورىنباسارى جاقسىلىق ومار تابىستادى.
