Almaty oblysynyń ákimi Marat Sultanǵaziev Qarasai aýdanynda qasietti Qurandy tolyq jattaǵan 97 jastaǵy hafiz, qari áje Jumakúl Muratqyzymen kezdesti. Óńir basshysy aq jaýlyqty ananyń uzaq ǵumyryn, rýhani joldaǵy eńbegin joǵary baǵalap, qurmet kórsetti, dep habarlaidy Dalanews.kz
«Siz – asyl dinimizdiń qaǵidalaryn ustanyp, óskeleń urpaqqa imandylyq pen rýhani qundylyqtardy nasihattaýshy tulǵasyz. Sizdiń ómir jolyńyz – urpaqqa úlgi, ulaǵatty ónege», – dedi ákim kezdesýde.
Óz kezeginde Jumakúl áje aimaq basshysyna alǵysyn bildirip, aq batasyn berdi.
Sonymen qatar, oblys ákimi Qaskeleń qalasynyń turǵyny, zeinetker Sálima Tileýbaiqyzy Bulǵaqbaevamen júzdesti. Aimaq basshysy ardager ananyń ómirlik tájiribesin erekshe atap ótip, onyń qazaq qoǵamyndaǵy mańyzyn atap ótti.
«Siz siiaqty jandar – qazaq otbasynyń altyn qazyǵy, urpaqtyń tárbieshisi. Eńbegińiz ben ómirlik tájiribeńiz – biz úshin baǵa jetpes qazyna», – dedi óńir basshysy.
Kezdesý barysynda qart ana el damýyna úles qosqan azamattarǵa kórsetilgen qurmetke rizashylyǵyn bildirip, aqjarma tilegin jetkizdi.
