Almaty oblysy Bilim basqarmasynyń habarlaýynsha, óńirdegi 760 mekteptiń barlyǵy internet jelisine qosylǵan.
«Qazaqstan Respýblikasynyń aýyldyq eldi mekenderin talshyqty-optikalyq bailanys jelisimen qamtamasyz etý» respýblikalyq jobasy aiasynda 2020 jyly joǵary jyldamdyqty internetke 77 mektep qosyldy.
Sonymen búgingi tańda 527 (69,3%) mektep optikalyq-talshyqty, mys kabelge (4 Mbit/s jáne odan joǵary) qosylsa, 233 (30,6%) mektep spýtniktik bailanys (4 Mbit/s jáne odan tómen) arqyly ǵalamtordy paidalanyp otyr.
Aýdan ortalyqtary men qalalardyń barlyq mektepteri joǵary jyldamdyqty (4-10 mb/s) internetpen tolyq qamtylǵan. 483 mektep nemese 63,5% Wi-Fi tehnologiiasy arqyly internetke symsyz qosyla alady (2018 jyly – 41%). 2020 jyly jergilikti biýdjetten 156 mektepke 454 mln teńge bólindi. 2020 jyldyń sońynda Wi-Fi tehnologiiasy negizinde internetke qosylǵan mektep sany 639 nemese 84% bolady.
Al kompiýterlik tehnikamen jabdyqtalý boiynsha mektepterdegi 50453 kompiýterdiń 39903-i, iaǵni 79%-i aýyl mektepterine tiesili. Aqparattandyrý baǵdarlamasy boiynsha 2019 jyly 1639 kompiýter satyp alý úshin 376,9 mln teńge bólindi, al biyl 1802 kompiýter satyp alyndy.
Oǵan qosa 2020 jyly 1155 muǵalimdi kompiýtermen jabdyqtaýǵa 311,8 mln teńge bólindi. 2021 jylǵa jospar 67,4%.
«Kúndelik» avtomattandyrylǵan aqparattyq júiesine búgingi tańda oblystaǵy 704 bilim berý uiymy qosylǵan, al «BilimLand» bilim berý platformasyna qosylý 100% quraidy. Sol siiaqty 2019 jyldyń qyrkúieginen bastap barlyq memlekettik kolledjderde Platonýs júiesi engizildi. Osy maqsatta oblystyq biýdjetten 52,5 mln teńge bólindi. Búgingi tańda 34 kolledj «Platonus bilim berý protsessin avtomattandyrý» júiesin paidalanady.
«Nur Otan» partiiasynyń Almaty oblystyq filialymen oblystyq bilim basqarmasynyń arasynda qol qoiylǵan ózara yntymaqtastyq týraly memorandýmǵa sáike qabyldanǵan sharalardyń nátijesinde 2021 jyldyń basynda IT-synyptardyń jalpy sany119-ǵa jetedi.
