Almaty oblysyndaǵy karantinge qatysty jańa qaýlymen tanys bolyńyzdar!
Jańa qaýlyda Almaty oblysy aýmaǵynda SOVID-19-ben syrqattanýdyń ósim kórsetkishi 2,5% ekeni aitylyp, buǵan deiingi qaýlyda belgilengen shekteý sharalarynyń saqtalatyny, oǵan qosa týristik nysandardyń jumysyna qatysty da talaptar atap kórsetildi.
Máselen, halyq arasyndaǵy tiisti kontingentterge, sondai-aq COVID-19-dy joqqa shyǵarmaityn klinikalyq belgileri bar demalýshylar arasynda PTR taldaý júrgizý úshin Aqshi aýylynyń dárigerlik ambýlatoriiasynyń aýmaǵynda jyljymaly avto-zerthanany uiymdastyrý, avto-zerthana qalypty jumys isteý úshin barlyq qajetti jabdyqtarmen, jumsalatyn materialdarmen jáne kommýnikatsiialarmen qamtamasyz etý mindeti belgilengen.
Sol siiaqty aýdandar men qalalardyń, aýyldyq okrýgterdiń ákimderi, týrizm sýbektileri (obektilerine), onyń ishinde demalys úileri (bazalarǵa, aimaqtarǵa), týristik bazalar, sanatorlyq-kýrorttyq uiymdar da óz kezeginde obektiler aýmaǵyna kirý kezinde dezinfektsiialyq tosqaýyldar men tonnelder ornatýy, ár reisten keiin avtokólikti dezinfektsiialaýdy uiymdastyrý jáne júrgizýshilerdiń gigienasyna jaǵdai jasaýy tiis.
Sonymen birge demalýshylardyń demalys oryndarynda bolǵan jáne demalys ýaqytynda obektilerdiń aýmaǵynan tys jerlerge shyǵýyna tyiym salynady.
COVID-19-dy joqqa shyǵarmaityn belgileri bar tulǵalardy erte anyqtaý maqsatynda qyzmetkerler men demalýshylardy kúndelikti baqylaý mindetteledi.
Oryn sany 100-den asatyn obektide meditsina qyzmetkeriniń shtatyn (nemese kelisimshart boiynsha), izoliatory bar meditsinalyq pýnktterdi qarastyrý mindetteledi.
Sondai-aq áskeri bólimderge kelgennen keiin áskerge shaqyrylǵandardy PTR ádisimen COVID-19-ǵa zerthanalyq tekserý qajet.
Al Qapshaǵai qalasy Qapshaǵai sý qoimasynyń jaǵalaýyndaǵy demalys aimaqtaryna jáne Ile aýdanynyń Jetigen aýyldyq okrýgine aparatyn avtojolda mobildi beketter alynyp tastalady.
Taǵy bir atap óterligi, balalardy saýyqtyrý oryndary jáne mektep janyndaǵy lagerler ázirge jumys istemeidi.
Al jumysyn jalǵastyratyn nysandarda barlyq sanitarlyq-dezinfektsiialaý talaptary saqtalady.
Bul jańa qaýlynyń kúshi 2020 jyldyń 12 maýsymynda kúshine endi.
