جاڭا قاۋلىدا الماتى وبلىسى اۋماعىندا سOVID-19-بەن سىرقاتتانۋدىڭ ءوسىم كورسەتكىشى 2،5% ەكەنى ايتىلىپ، بۇعان دەيىنگى قاۋلىدا بەلگىلەنگەن شەكتەۋ شارالارىنىڭ ساقتالاتىنى، وعان قوسا تۋريستىك نىسانداردىڭ جۇمىسىنا قاتىستى دا تالاپتار اتاپ كورسەتىلدى.
ماسەلەن، حالىق اراسىنداعى ءتيىستى كونتينگەنتتەرگە، سونداي-اق COVID-19-دى جوققا شىعارمايتىن كلينيكالىق بەلگىلەرى بار دەمالۋشىلار اراسىندا پتر تالداۋ جۇرگىزۋ ءۇشىن اقشي اۋىلىنىڭ دارىگەرلىك امبۋلاتورياسىنىڭ اۋماعىندا جىلجىمالى اۆتو-زەرتحانانى ۇيىمداستىرۋ، اۆتو-زەرتحانا قالىپتى جۇمىس ىستەۋ ءۇشىن بارلىق قاجەتتى جابدىقتارمەن، جۇمسالاتىن ماتەريالدارمەن جانە كوممۋنيكاسيالارمەن قامتاماسىز ەتۋ مىندەتى بەلگىلەنگەن.
سول سياقتى اۋداندار مەن قالالاردىڭ، اۋىلدىق وكرۋگتەردىڭ اكىمدەرى، تۋريزم سۋبەكتىلەرى (وبەكتىلەرىنە)، ونىڭ ىشىندە دەمالىس ۇيلەرى (بازالارعا، ايماقتارعا)، تۋريستىك بازالار، ساناتورلىق-كۋرورتتىق ۇيىمدار دا ءوز كەزەگىندە وبەكتىلەر اۋماعىنا كىرۋ كەزىندە دەزينفەكسيالىق توسقاۋىلدار مەن توننەلدەر ورناتۋى، ءار رەيستەن كەيىن اۆتوكولىكتى دەزينفەكسيالاۋدى ۇيىمداستىرۋ جانە جۇرگىزۋشىلەردىڭ گيگيەناسىنا جاعداي جاساۋى ءتيىس.
سونىمەن بىرگە دەمالۋشىلاردىڭ دەمالىس ورىندارىندا بولعان جانە دەمالىس ۋاقىتىندا وبەكتىلەردىڭ اۋماعىنان تىس جەرلەرگە شىعۋىنا تىيىم سالىنادى.
COVID-19-دى جوققا شىعارمايتىن بەلگىلەرى بار تۇلعالاردى ەرتە انىقتاۋ ماقساتىندا قىزمەتكەرلەر مەن دەمالۋشىلاردى كۇندەلىكتى باقىلاۋ مىندەتتەلەدى.
ورىن سانى 100-دەن اساتىن وبەكتىدە مەديسينا قىزمەتكەرىنىڭ شتاتىن (نەمەسە كەلىسىمشارت بويىنشا)، يزولياتورى بار مەديسينالىق پۋنكتتەردى قاراستىرۋ مىندەتتەلەدى.
سونداي-اق اسكەري بولىمدەرگە كەلگەننەن كەيىن اسكەرگە شاقىرىلعانداردى پتر ادىسىمەن COVID-19-عا زەرتحانالىق تەكسەرۋ قاجەت.
ال قاپشاعاي قالاسى قاپشاعاي سۋ قويماسىنىڭ جاعالاۋىنداعى دەمالىس ايماقتارىنا جانە ىلە اۋدانىنىڭ جەتىگەن اۋىلدىق وكرۋگىنە اپاراتىن اۆتوجولدا ءموبيلدى بەكەتتەر الىنىپ تاستالادى.
تاعى ءبىر اتاپ وتەرلىگى، بالالاردى ساۋىقتىرۋ ورىندارى جانە مەكتەپ جانىنداعى لاگەرلەر ازىرگە جۇمىس ىستەمەيدى.
ال جۇمىسىن جالعاستىراتىن نىسانداردا بارلىق سانيتارلىق-دەزينفەكسيالاۋ تالاپتارى ساقتالادى.
بۇل جاڭا قاۋلىنىڭ كۇشى 2020 جىلدىڭ 12 ماۋسىمىندا كۇشىنە ەندى.
