Búgin Raiymbek aýdany, Narynqol aýdanynda sporttyq keshenniń ashylý saltanaty ótti. Ashylý rásimine Almaty oblysy ákiminiń orynbasary Arslan Dandybaev, Raiymbek aýdanynyń ákimi Nurjan qudaibergenov, erejesiz jekpe-jekten úsh dúrkin álem chempiony Ardaq Nazarov pen sport ardageri Bekbolat Birbaev t.b. qatysty.
Arslan Dalabaevtyń aitýynsha, Jetisý jerinde buqaralyq sportty damytýǵa úlken kóńil bólinýde.
- Biylǵy jyl bizdiń elimiz úshin óte mańyzdy-táýelsizdiktiń 30 jyldyǵy. Osy jyldar aralyǵynda kólemdi ister atqaryldy. Bul rette bizdiń Almaty oblysynda jyldan jylǵa halyqtyń ál-aýqaty jaqsaryp, barlyq qajetti jaǵdailar jasalýda.Prezident Qasym-Jomart Toqaevtyń aldymyzǵa qoiǵan mindetterine sáikes, memlekettik qoldaýdyń, qajyrly eńbektiń jáne halyq birliginiń arqasynda biz barlyq salada turaqty damýdy jalǵastyryp kelemiz. Ózderińiz biletindei, 2018 jyly Memleket basshysy Nursultan Nazarbaevtyń Jarlyǵymen Raiymbek jáne Kegen aýdandary qaita quryldy.Osyǵan bailanysty aýdan ortalyǵynda ákimshilik ǵimarattardy salý, jóndeý jumystary bastaldy, jańa turǵyn úiler salynyp, paidalanýǵa berildi. Qysqa ýaqyt ishinde úlken jumys jasaldy. Munyń bári el úshin, bolashaq urpaq úshin jasalady. Jyl saiyn oblysta mereitoilyq is-sharalar ótkiziledi. Biyl Qazaqstan Respýblikasy Táýelsizdiginiń 30 jyldyǵyna, Taldyqorǵannyń 20 jyldyǵyna, Jambyl Jabaevtyń 175 jyldyǵyna, Muqaǵali Maqataevtyń 90 jyldyǵyna arnalǵan túrli mádeni-buqaralyq is-sharalar josparly túrde ótkizilýde. Sportqa erekshe kóńil bólinedi. Búginde óńirde 11 dene shynyqtyrý-saýyqtyrý kesheni jumys isteidi. Bul keshen on ekinshi boldy. Sizderdi dene shynyqtyrý-saýyqtyrý kesheniniń ashylýymen quttyqtaimyz, - dedi ol.
Sý jańa ǵimarat ishinde boks, kúres, fýtbol, jattyǵý zaldary men stadion bar. Sondai-aq, meditsinalyq jáne massaj kabineti, ákimshilik úi-jailary, garderoby bar býfet jáne vestibiýl ornalasqan.
Komandalyq oiyndar zaly voleibol, basketbol, gandbol, mini-fýtbol, badminton, tenniske arnalǵan. Sport kesheninde kórermen tribýnasy 180 orynǵa eseptelgen.
- Bul sport kesheninde tek balalar men jasóspirimder ǵana emes, memlekettik qyzmetkerlerden bastap zeinetkerlerge deiingi barlyq aýyl turǵyndary da ainalysa alady. Osy aimaqtan kóptegen sportshylar shyqty. Mysaly, erkin kúresten Rýslan Jumabekov, Ardaq Nazarov, Beibit Nazarov, Jasulan Qydyrbaev ta Raiymbek aýdanynyń týmalary. Osyndai zamanaýi sport kesheninen álemdik jarystarda Olimpiada shyńdaryn baǵyndyratyn sportshylar shyǵady dep úmittenemiz, - dep qorytyndylady Almaty oblysy dene shynyqtyrý jáne sport basqarmasynyń basshysy Nurbaqyt Teńizbaev.
