Mundai jaǵdaida jańa bilim oshaǵynyń qabyrǵasyn qalaý aýadai qajet. Byltyr aýdanda 4 birdei jańa mekteptiń qurylysy bastalǵan. Buǵan 7 mlrd teńgege jýyq qarjy bólingen.
Aýdan basshylyǵy osy arqyly úsh aýysymdaǵy mektep sanyn azaitýdy kózdeýde. Aitalyq Ilege qarasty Túimebaev aýylyndaǵy №19 mektepte 1200 bala qysyla-qymtyryla bilim alýda. Mekteptiń ózi áýelde 340 oqýshyǵa arnalǵan eken.
Aýylda jylyna 90-100 balaǵa deiin mektep tabaldyryǵyn attaidy.
Amalsyz úsh aýysymda oqytatyn mekteptiń janynan ázir 300 oryndyq nysan salynyp jatyr.
Mektep direktory Marjan Esenbaevanyń aitýynsha Ile aýdanyna qonys aýdarýshylar kóp. Osy sebepti úsh aýysymdaǵy mektep sany da artýda.
"Mektepke japsarlas ornalasatyn nysannyń qurylysy aiaqtalǵasyn úsh aýysymda oqytý máselesi sheshimin tabady. 1200-den asa oqýshyny syiǵyza alatyn bolamyz. Onyń ústine eski ǵimaratta ashana, sport jáne májilis zaldary joq edi. Al jańa jobada munyń bári qamtylǵan", – deidi ol.
Mektepke japsarlas ornalasatyn jańa ǵimarat osy oqý jylynda qoldanysqa beriledi. Qurylys basynda 80-ge tarta jergilikti turǵyn ter tógip júr.
Iledegi qurylys bóliminiń aǵa mamany Erjan Turysbaevtyń aitýynsha qurylysy qyzý júrip jatqan ózge bilim oshaqtary 2021 jyldyń tamyz aiynda tapsyrylady.
Onyń ishinde Qaraoi aýylyndaǵy 900 orynǵa arnalǵan mektep bar. Osynaý bilim ordasy qoldanysqa berilgesin aýyldaǵy úsh aýysymda oqytý máselesi sheshilmek. Qurylys ornalasqan 80 adamnyń bári de jergilikti turǵyndar.
Aýdandyq bilim bóliminiń málimetinde ázir Ilede 48 bar. Onyń 15-i úsh aýysymda oqytady.
"Aldaǵy 2-3 jyldyń kóleminde aýdanda 10-ǵa tarta mektep salynady. Ol óz kezeginde úsh aýysymdy oqytýdy joiýǵa oń áser etedi", - deidi mamandar.
