2025 jylǵy 13 jeltoqsan kúni Qazaqstan Respýblikasynyń Táýelsizdik kúnine orai Almaty oblystyq toǵyzqumalaq sport federatsiiasynyń «Kýbogy» úshin oblystyq týrnir ótti, dep habarlaidy Dalanews.kz.
Atalǵan jarysqa Almaty oblysynyń 9 óńirinen 2012 jyl jáne odan kishi, sondai-aq 2016 jyl jáne odan kishi jas sanatyndaǵy uldar men qyzdar arasynan 70-ke jýyq sportshy qatysty. Týrnir toǵyzqumalaqtyń «rapid» túri boiynsha shveitsar júiesimen uiymdastyrylyp, sportshylar jeke jáne komandalyq esepte ózara baq synady.
Týrnirdiń negizgi maqsattary:
- toǵyzqumalaqty Almaty oblysyndaǵy mańyzdy ulttyq ziiatkerlik sport túrleriniń biri retinde damytý jáne keńinen nasihattaý;
- ártúrli jas sanatyndaǵy sportshylardyń sporttyq sheberligin arttyrý, taktikalyq daǵdylaryn jetildirý;
- balalar men jasóspirimder arasynda ziiatkerlik sportqa turaqty qyzyǵýshylyq qalyptastyrý;
- oblys aýdandarynyń sportshylary men bapkerleri arasyndaǵy dostyq qarym-qatynasty nyǵaitý jáne tájiribe almasý.
Almaty oblystyq toǵyzqumalaq sport federatsiiasynyń basshysy Jaras Niiazbek óz sózinde óńirde toǵyzqumalaq sportynyń damýy qarqyndy júrip jatqanyn atap ótti:
«Almaty oblysynda sońǵy jyldary toǵyzqumalaq sporty erekshe qarqynmen damýda. Balalardyń ulttyq oiynǵa degen qyzyǵýshylyǵy joǵary. Bul sport toǵyzqumalaq janashyrlary men osy ulttyq oiyndy jan-tánimen súietin azamattardyń eńbeginiń arqasynda damyp keledi. Búgingi týrnirge qoldaý bildirip, demeýshilik kórsetken Qazaq Technology kompaniiasyna, Art Production shyǵarmashylyq mektepter jelisine, sondai-aq aqparattyq qoldaý kórsetken Dalanews aqparat agenttigine, “Qala men dala”, “Alataý araiy” gazetterine alǵys bildiremiz. Osyndai jarystar ulttyq sporttyń damýyna serpin beredi», – dedi ol.
JARYS NÁTIJELERI
Týrnir qorytyndysy boiynsha júldeli oryndar tómendegidei bólindi:
9 jasqa deiingi QYZDAR arasynda:
•I oryn – Bekserik Ámina (Uiǵyr aýdany)
•II oryn – Tańǵatar Merei (Alataý qalasy)
•III oryn – Oryntai Aiarý (Uiǵyr aýdany)
•III oryn – Bolatbai Bibiásiia (Alataý qalasy)
9 jasqa deiingi ULDAR arasynda:
•I oryn – Aqsai Ramiz (Talǵar aýdany)
•II oryn – Qali Madiiar (Ile aýdany)
•III oryn – Esbosyn Baǵnur (Ile aýdany)
•III oryn – Tańǵatar Omar (Alataý qalasy)
13 jasqa deiingi QYZDAR arasynda:
•I oryn – Halyq Aisenim (Uiǵyr aýdany)
•II oryn – Nurbek Injý (Jambyl aýdany)
•III oryn – Adiiat Erkenaz (Jambyl aýdany)
•III oryn – Erlanqyzy Aqmeiir (Kegen aýdany)
13 jasqa deiingi ULDAR arasynda:
•I oryn – Batyr Oljas (Alataý qalasy)
•II oryn – Balaǵaz Islam (Jambyl aýdany)
•III oryn – Ergen Meirambek (Kegen aýdany)
•III oryn – Orazhan Nurym (Ile aýdany)
Komandalyq esepte:
•I oryn – Uiǵyr aýdany
•II oryn – Alataý qalasy
•III oryn – Talǵar aýdany
Jarys qorytyndysy boiynsha jeńimpazdar men júldegerler estelik medaldarmen, gramotalarmen jáne aqshalai syilyqtarmen marapattaldy. Komandalyq esepte úzdik nátije kórsetken aýdandarǵa arnaiy kýboktar tabystaldy.
Barsha jeńimpazdar men júldegerlerdi shyn júrekten quttyqtaimyz! Sportshylarymyz kók Týymyzdy árdaiym biikte jelbirete bersin!
