Almaty oblysynda Táýelsizdik kúni dúniege kelgen sábilerge syi úlestirilýde
– Jańa týylǵan nárestelerdiń eń kóbi – Qarasai jáne Ile aýdandarynda tirkeledi dep kútilýde. Jospar boiynsha aiy-kúni jetip otyrǵan analar otyz shaqty. Atap ótsek, jyl saiyn óńirde bala týý kórsetkishi artyp keledi. Jalpy, jylyna 50 myńǵa jýyq sábi dúnie esigin ashady, – deidi Almaty oblystyq perinataldyq ortalyqtyń basshysy Qanat Jumashev.
Shyr etip, dúniege kelgen náresteniń únin estý anaǵa da, dárigerge de úlken baqyt. Mine, osyndai baqytty sátti bastan keshirip Eskeldi aýdanynda – 3, Kerbulaq aýdanynda – 4, Sarqan aýdanynda –10 áiel týra 16-shy jeltoqsan kúni ana atandy.
Olardyń sózinshe, bul jái sáikestik emes. Otbasylar úshin mańyzy zor qýanysh. Endi olar qos merekeni qatar toilaityn bolady.
– Táýelsizdik kún jyl saiyn bizdiń shańyraq úshin qasterli mereke sanalatyn. Búginnen bastap taǵy qýanyshymyz eselenip jatyr. Qatarymyz tolyǵýda. Barlyq qazaqstandyqtardy merekemen quttyqtaimyn! Osyndai alańsyz kúnderimiz uzaǵynan bolsyn. Osy rette oblys basshylyǵyna alǵys bildirgim keledi. Óńirdegi demografiiaǵa kóp kóńil bólip, qoldaý tanytyp jaǵdaiymyzdy jasap berip jatqan. Aq halattylarǵa da rahmet! – dep bólisti jas ana Aqbota Soltanbek.
Al, Sarqandyq kópbalaly ana Nazgúl Erǵaliva osy kúni 7-shi sábiin bosandy. 35 jastaǵy ana táýelsizdik kúnindegi týylǵan ulym otbasymyzǵa úlken úlken syi boldy, deidi.
– Kútpegen jaǵdai boldy. Tup týra 16-sy kúni bosanam dep oilamappyn. Ózim osy ortalyqqa portalmen kelgem. Aiy kúnim jetip osy meiramǵa buiyrtypty. Qýanyshymda shek joq. Shúkir, qazir 4 qyz, eki ulym bar. Ákesi de baýyrlary da qatty qýandy. Endi bizdiń otbasy qos merekeni birge atap ótetin bolady, – dep bólisti jas ana.
Jalpy, jyl basynan Taldyqorǵandaǵy oblystyq perinataldyq ortalyqta 6050-den asa sábi dúniege kelgen. Ortalyq direktorynyń aitýynsha, biylǵy jyly bala týý kórsetkishi joǵary. Ótken jyldyń 12 aiynda 6600 ana bosansa, jyl sońyna deiin 7000-ǵa jetedi dep kútilip otyr.
