Almaty oblysynda sút óndirý 3 esege ósedi
2015 jyldan beri iske qosylǵan seriktestiktiń ieliginde búginde 700-dei asyl tuqymdy iri qara bar. Mundaǵy 410 analyq bastan táýligine 6 tonnadan astam sút alynady. Mundaǵy sút mailylyǵynyń úlesi joǵary deńgeide, iaǵni 4,3 paiyzdy quraidy. Sondyqtan da bolar, sharýashylyq sútine degen surasyn joǵary.
JShS jetekshisi Shyńǵys Ahmetovtiń aitýynsha, tsifrlandyrý talabyna orai munda jumystyń deni avtomattandyrylǵan júiede atqarylady. Mundaǵy ár saýynshy nemis tehnologiiasymen bir mezette arnaiy apparattardyń kómegimen 24 siyr saýa alady jáne mal men jalpy jumys protsesiniń barlyq derekteri «Dairy plan»júiesinde saqtalady. Sharýashylyqta 65 adam jumys istese, búginde deiin jumysshylarǵa arnap seriktestik bazasynda 15 turǵyn úi salǵan.
Aldaǵy ýaqytta iri qara basyn taǵy 500-ge kóbeitip,jumysshylar sanyn daarttyrýdy josparlanyp otyr.
Atap ótsek, Almaty oblysynyń ákimi A. Batalov turǵyndar aldyndaǵy esepti jiynda oblysta árqaisysy 100 basqa arnalǵan 350 otbasylyq sút-taýarly fermasy qurylsa, sonyń 50-i 2018 jylǵa josparlanǵanyn, sonyń arqasynda biylǵy jyly sút óndirý 3 esege deiin ósip, óńdeý deńgeii 43%-ke jetetinin, jáne sút zaýyttarynyń júktemesin tolyq qamtýǵa múmkindik bolatynyn aitqan bolatyn.
Almaty oblysy ákiminiń baspasóz qyzmeti
