Almaty oblysyndaǵy aýdandyq sottardyń biriniń tóraiymy “sýdia ádebi” normalaryn óreskel buzǵany úshin jaýapqa tartylýy múmkin. Buǵan sebep – onyń qyzmet etikasyna múldem sai kelmeitin áreketi. Sýdialar odaǵy bul jaǵdaidy taldap, onyń áreketin orynsyz dep tanydy, dep habarlaidy Dalanews.kz.
Aita keteiik, bul sheshim Orda.kz redaktsiiasy jariialaǵan daý týdyrǵan materialdan keiin qabyldanyp otyr.
Oqiǵa qalai bastalǵan edi?
Aqpan aiynyń sońynda Orda.kz redaktsiiasy qolyna túsken aýdiojazbada sýdia beiádep sózder aityp, adamdardy qorqytyp-úrkitken. Onyń sóileý máneri 90-jyldardaǵy qylmystyq orta tilin eske túsiredi. Mysaly, mynadai sózder aitylǵan:
Mysaly, mynadai sózder aitqan:
“— Sen ne, b**d, men jaidan-jai shý shyǵaryp júr dep oilaisyń ba? Álde bekerden-beker tiisip júrmin deisiń be?!
— Sen maǵan qarsy shyqqyń kele me? Onda ashyq ait! Men senimen basqasha sóilesetin bolam!”, — delingen aýdiojazbada.
Redaktsiia derekkózderiniń aitýynsha, mundai minez-qulyq sýdia úshin úirenshikti jaǵdai.
Alaida aýdan turǵyndary men jergilikti sheneýnikter odan jasqanyp, úndemei kelgen. Sebebi buǵan deiin de shaǵymdar bolǵanymen, “joǵaryda tanystary bar” degen sybystarǵa bailanysty eshkim shara qoldana almaǵan.
Tipti Orda.kz-tiń daýly materialynan keiin de sýdia óz áreketin toqtatpaǵan. Onyń áriptesteri sýdianyń agressiialyq minez-qulyqtyń jalǵasqanyn habarlaǵan.
Bir aiǵa sozylǵan tekserý nátijesinde Almaty oblystyq Sýdialar odaǵynyń etika komissiiasy bul áreketterdiń sýdia ádebine qaishy ekenin moiyndady.
Qazir bul is Sot qazylar alqasynyń tártiptik komissiiasyna joldandy.
