Almaty oblysynda saiajai alqaptarynyń quqyqtyq mártebesin anyqtaý men olardy eldi mekender quramyna engizý jumystary qolǵa alyndy, dep habarlaidy Dalanews.kz
Bul baǵytta oblys ákimdiginiń bastamasymen aýqymdy jobalar iske asyrylyp jatyr. Almaty oblysynyń Arhitektýra jáne qala qurylysy basqarmasynyń málimetinshe, búgingi tańda óńirde jalpy sany 677 saiajai massivi tirkelgen.
Saiajai alqaptarynyń eń kóbi Qarasai aýdanynda – 203, Talǵar aýdanynda – 151, Eńbekshiqazaq aýdanynda – 135, Ile aýdanynda – 118, Jambyl aýdanynda – 21, Qonaev qalasynda – 9 jáne jańadan qurylǵan Alataý qalasynda – 40.
Oblys ákimdiginiń tapsyrmasyna sáikes, 2023 jyly Almaty oblysy boiynsha 367 saiajai massivin eldi mekenderge qosý úshin qala qurylysy qujattamasy ázirlenip, bekitildi. Bul – óńir tarihyndaǵy saiajai máselesin keshendi túrde sheshýge arnalǵan alǵashqy ári mańyzdy qadamdardyń biri.
Ile aýdanynda
88 saiajai massivi 8 aýyldyń quramyna engizildi. Atap aitqanda, KazTsIK, Kókqainar, Japek batyr, Kosózen, Baiserke, Qoianqus, Komsomol, Janatalap aýyldaryna tiesili saiajailar endi zańdy túrde eldi mekender shekarasyna kirdi. Bul ózgeristerdiń barlyǵy Ile aýdandyq máslihatynyń 2023 jylǵy 29 jeltoqsandaǵy sheshimderimen bekitildi.
Qarasai aýdanynda
6 eldi mekenniń aýmaǵyna 102 saiajai massivi engizildi. Onyń ishinde:
•Qaskeleń qalasyna – 44,
•Qyrǵaýyldy aýylyna – 21,
•Almalybaq aýylyna – 26,
•Qoshmambet, Eltai jáne Dolan aýyldaryna – 11 saiajai massivi qosyldy.
Bas josparlar 2024 jyldyń aqpan aiynda aýdandyq máslihat sheshimderimen bekitildi.
Talǵar aýdanynda
6 eldi meken boiynsha 93 saiajai massivi eldi meken quramyna engizildi. Bul aýyldardyń qatarynda Kendala, Aqtas, Besaǵash, Tuzdybastaý, Baibulaq jáne Qyzyltý bar. Barlyq josparlar 2024 jyldyń 26 qańtarynda Talǵar aýdandyq máslihaty sheshimimen bekitildi.
Eńbekshiqazaq aýdanynda
Baiterek aýyly men Esik qalasyna tiesili 35 saiajai massivi eldi mekenderdiń shekarasyna engizildi. Qujattar 2023 jyldyń jeltoqsanynda bekitilgen.
Qonaev jáne Alataý qalalary
Qonaev qalasyna – 9, Alataý qalasyna – 40 saiajai massivi qosyldy. Qalalardyń bas josparlary QR Úkimetiniń qaýlysymen 2023 jáne 2024 jyldary bekitildi.
2024 jyly oblys boiynsha 51 eldi mekenge qatysty jańa qala qurylysy qujattamasy ázirlenip, memlekettik saraptamadan ótip jatyr. Nátijesinde, shamamen 15 383 jer telimi eldi mekenderdiń shekarasyna resmi túrde engizilmek. Onyń ishinde:
•Ile aýdanynda – 30 saiajai massivi,
•Talǵar aýdanynda – 19,
•Qarasai aýdanynda – 27.
2025 jyly Qarasai aýdanynyń Turar, Kóldi, Bekbolat, jáne Eńbekshiqazaq aýdanyndaǵy Azat aýyldaryna qatysty 23 saiajai massivin zańdastyrý boiynsha qujattar daiyndalyp jatyr. Bul jerlerdiń jalpy aýdany – 123,04 gektar.
Qazirgi ýaqytta jergilikti atqarýshy organdar Qazaqstan Respýblikasynyń Jer kodeksiniń 108-babynyń 1-tarmaǵyna sáikes, bekitilgen bas josparlar negizinde eldi mekenderdiń shekaralaryn naqtylaý jumystaryn júrgizýde.
Sonymen qatar, Almaty oblysy ákiminiń 2024 jylǵy 19 naýryzdaǵy №18-ÓN/Q ókimimen, saiajai massivteri boiynsha ózekti máselelerdi anyqtap, sheshý joldaryn ázirleý úshin arnaiy jumys toby qurylǵan. Bul toptyń jumysy kezeń-kezeńimen júzege asyp, turǵyndardyń kóp jyldan beri kóterip júrgen máselelerine naqty jaýaptar berilýde.
