Qaskeleńde itter toby 52 jastaǵy áieldi talap tastaǵan. Oqiǵanyń videosy áleýmettik jelilerde tarady, dep habarlaidy Dalanews.kz.
Kadrlardan shamamen segiz ittiń jerde jatqan áielge jabylyp, talaǵany kórinedi. Almaty oblysy politsiiasynyń habarlaýynsha, jábirlenýshige meditsinalyq kómek kórsetilgen. Atalǵan derek boiynsha qylmystyq is qozǵalyp, tergeý júrgizilip jatyr.
Oqiǵa ornynda politsiia qyzmetkerleri men jergilikti atqarýshy organdardyń ókilderi jumys istegen. Quqyq qorǵaý organdary janýarlardyń iesin anyqtady, ol 60 jastaǵy er adam bolyp shyqty. Ol qoǵamdyq tártipti buzǵany úshin jaýapkershilikke tartyldy.
Eske salaiyq, byltyr mamyrda Almaty oblysynda dál osyndai jaǵdai bolǵan edi.
Almaty oblysynyń Qarasai aýdanyna qarasty aýylda 10 jastaǵy balany eki qabaǵan it talap, aýyr jaraqattady. Oqiǵa 30 mamyrda bolǵan.
Oqiǵanyń basty kýágeri ári balany qutqaryp qalǵan aýyl turǵyny, zeinetker Serikbek Saqaibekovtyń aitýynsha, sol kúni kóligimen jolaýshy áieldi úiine jetkizý úshin bara jatqanda, bir top balanyń shýlap, jan-jaqqa qasha jónelgenin kórgen.
Qazir 10 jastaǵy bala Qarasai aýdandyq ortalyq aýrýhanasynda aýyr jaraqatpen em aldy.
