قاسكەلەڭدە يتتەر توبى 52 جاستاعى ەيەلدٸ تالاپ تاستاعان. وقيعانىڭ ۆيدەوسى ەلەۋمەتتٸك جەلٸلەردە تارادى, دەپ حابارلايدى Dalanews.kz.
كادرلاردان شامامەن سەگٸز يتتٸڭ جەردە جاتقان ەيەلگە جابىلىپ, تالاعانى كٶرٸنەدٸ. الماتى وبلىسى پوليتسيياسىنىڭ حابارلاۋىنشا, جەبٸرلەنۋشٸگە مەديتسينالىق كٶمەك كٶرسەتٸلگەن. اتالعان دەرەك بويىنشا قىلمىستىق ٸس قوزعالىپ, تەرگەۋ جٷرگٸزٸلٸپ جاتىر.
وقيعا ورنىندا پوليتسييا قىزمەتكەرلەرٸ مەن جەرگٸلٸكتٸ اتقارۋشى ورگانداردىڭ ٶكٸلدەرٸ جۇمىس ٸستەگەن. قۇقىق قورعاۋ ورگاندارى جانۋارلاردىڭ يەسٸن انىقتادى, ول 60 جاستاعى ەر ادام بولىپ شىقتى. ول قوعامدىق تەرتٸپتٸ بۇزعانى ٷشٸن جاۋاپكەرشٸلٸككە تارتىلدى.
ەسكە سالايىق, بىلتىر مامىردا الماتى وبلىسىندا دەل وسىنداي جاعداي بولعان ەدٸ.
الماتى وبلىسىنىڭ قاراساي اۋدانىنا قاراستى اۋىلدا 10 جاستاعى بالانى ەكٸ قاباعان يت تالاپ, اۋىر جاراقاتتادى. وقيعا 30 مامىردا بولعان.
وقيعانىڭ باستى كۋەگەرٸ ەرٸ بالانى قۇتقارىپ قالعان اۋىل تۇرعىنى, زەينەتكەر سەرٸكبەك ساقايبەكوۆتىڭ ايتۋىنشا, سول كٷنٸ كٶلٸگٸمەن جولاۋشى ەيەلدٸ ٷيٸنە جەتكٸزۋ ٷشٸن بارا جاتقاندا, بٸر توپ بالانىڭ شۋلاپ, جان-جاققا قاشا جٶنەلگەنٸن كٶرگەن.
قازٸر 10 جاستاعى بالا قاراساي اۋداندىق ورتالىق اۋرۋحاناسىندا اۋىر جاراقاتپەن ەم الدى.
